ലണ്ടൻ: ഇംഗ്ലീഷ് പ്രീമിയർ ലീഗ് ഫുട്ബോളിൽ മാഞ്ചസ്റ്റർ യുണൈറ്റഡിനു തുടർച്ചയായ രണ്ടാം ജയം. 64, 78 മിനിറ്റുകളിൽ പോഗ്ബ ലോംഗ്റേഞ്ച് ഗോളുകൾ നേടിയ മത്സരത്തിൽ യുണൈറ്റഡ് 3-1ന് ഹഡേഴ്സ്ഫീൽഡിനെ കീഴടക്കി. 28-ാം മിനിറ്റിൽ നമാൻജ മാറ്റിക്കിലൂടെ യുണൈറ്റഡ് ലീഡ് നേടി.
51 പോയിന്‍റുമായി ലീഗിലെ ഒന്നാം സ്ഥാനക്കാരായ ലിവർപൂൾ 4-0ന് ന്യൂകാസിലിനെ കീഴടക്കി. ലോവ്റൻ (11-ാം മിനിറ്റ്), മുഹമ്മദ് സല (47-പെനൽറ്റി), ഷാഖിരി (79-ാം മിനിറ്റ്), ഫാബിനോ (85-ാം മിനിറ്റ്) എന്നിവർ ലിവർപൂളിനായി ലക്ഷ്യംകണ്ടു. അതേസമയം, മാഞ്ചസ്റ്റർ സിറ്റി 1-2ന് ലെസ്റ്റർ സിറ്റിയോട് തോറ്റു. ടോട്ടനം 5-0ന് ബോണ്മത്തിനെ കീഴടക്കി.
