ഒരു പോലീസ് പരിശോധനയുടെ വീഡിയോയാണ് കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ വൈറലാകുന്നത്.
ഗുജറാത്ത് രജിസ്‌ട്രേഷനിലുള്ള വാഹനമാണ് പോലീസ് പിടികൂടിയിരിക്കുന്നത്. ട്രക്കിന്‍റെ ലോഡ് ക്യാരിയറില്‍ പ്രത്യേകം തയാറാക്കിയ രഹസ്യ അറയില്‍ മദ്യം കടത്തുന്നതിനിടെയാണ് ഈ വാഹനത്തെ പോലീസ് പിടികൂടിയത്.
ഇപ്പോഴിത മഹീന്ദ്ര ആന്‍ഡ് മഹീന്ദ്ര ഗ്രൂപ്പ് ചെയര്‍മാന്‍ ആനന്ദ് മഹീന്ദ്രയായും വീഡിയോ പങ്കുവച്ചിരിക്കുന്നു.
കുത്സിത ബുദ്ധിമാന്‍, ട്രക്കിലെ പേലോഡ് എന്ന വാക്കിന് ഇയാള്‍ പുതിയ അര്‍ഥം നല്‍കുകയാണ്.
ഞങ്ങളുടെ ഗവേഷണ കേന്ദ്രത്തിലെ ട്രക്ക് ഡെവലപ്പ്‌മെന്‍റ് ടീമിന്‍റെ ഡിസൈനിങ്ങിന്‍റെ ഭാഗമായി ഇത്തരം കണ്ടുപിടിത്തങ്ങള്‍ ഉണ്ടാവില്ലെന്ന് ഞാന്‍ ഉറപ്പുനല്‍കുന്നുവെന്നും ആനന്ദ് മഹീന്ദ്ര ട്വിറ്ററില്‍ കുറിച്ചു.
