തിരുവനന്തപുരം: പോലീസ് തലപ്പത്ത് വൻ അഴിച്ചുപണി. ദക്ഷിണ മേഖല എഡിജിപി ബി. സന്ധ്യയെ മാറ്റി. അനിൽകാന്താണ് പുതിയ ദക്ഷിണ മേഖല എഡിജിപി. സന്ധ്യക്കു ട്രെയിനിംഗ് ചുമതലയാണ് നൽകിയിരിക്കുന്നത്.
പുതിയ ട്രാൻസ്പോർട്ട് കമ്മീഷണറായി കെ. പത്മകുമാറിനെ നിയമിച്ചു. കൊച്ചി റേഞ്ച് ഐജിയായിരുന്ന പി. വിജയനെയും തൽസ്ഥാനത്തുനിന്നും നീക്കി. അഡ്മിനിസ്ട്രേഷന്‍റെ ചുമതലയാണ് വിജയന് നൽകിയിരിക്കുന്നത്. വിജയ് സാക്രയാണ് പുതിയ കൊച്ചി റേഞ്ച് ഐജി.
