പോ​ലീ​സു​കാ​ര​ന്‍റെ ബൈ​ക്കി​ടി​ച്ച് യു​വാ​ക്ക​ൾ​ക്ക് പ​രി​ക്ക്; നാ​ട്ടു​കാ​ർ ഇ​ട​പെ​ട്ടു, പി​ന്നാ​ലെ യു​വാ​ക്ക​ൾ​ക്കെ​തി​രെ ആ​ക്ര​മ​ണ​ക്കേ​സും

കാ​യം​കു​ളം: പോ​ലീ​സു​കാ​ര​ൻ ഓ​ടി​ച്ച ബൈ​ക്കി​ടി​ച്ച് പ​രി​ക്കേ​റ്റ യു​വാ​ക്ക​ൾ പോ​ലീ​സു​കാ​ര​നെ ആ​ക്ര​മി​ച്ചെ​ന്ന കേ​സി​ൽ അ​റ​സ്റ്റി​ൽ. കോ​ട​തി​യി​ൽ ഹാ​ജ​രാ​ക്കി​യ യു​വാ​ക്ക​ൾ​ക്ക് കോ​ട​തി ജാ​മ്യം ന​ൽ​കി. കാ​യം​കു​ളം പോ​ലീ​സ് സ്റ്റേ​ഷ​നി​ലെ പോ​ലീ​സു​കാ​ര​നാ​യ ദി​നേ​ശ് ഡ്യൂ​ട്ടി ക​ഴി​ഞ്ഞ് ബൈ​ക്കി​ൽ വി​ട്ടി​ലേ​ക്ക് മ​ട​ങ്ങു​മ്പോ​ൾ ബൈ​ക്ക് അ​പ​ക​ട​ത്തി​ൽ​പ്പെ​ടു​ക​യും യു​വാ​ക്ക​ൾ​ക്കു പ​രി​ക്കേ​ൽ​ക്കു​ക​യു​മാ​യി​രു​ന്നെ​ന്നാ​ണ് പ​റ​യു​ന്ന​ത്.

ക​ഴി​ഞ്ഞദി​വ​സം രാ​ത്രി​യാ​ണ് സം​ഭ​വം. തു​ട​ർ​ന്ന് ഓ​ടിക്കൂടി​യ നാ​ട്ടു​കാ​രും പ​രി​ക്കേ​റ്റ യു​വാ​ക്ക​ളും പോ​ലീ​സു​കാ​ര​ൻ മ​ദ്യ​ല​ഹ​രി​യി​ലാ​ണെ​ന്നും മെ​ഡി​ക്ക​ൽ എ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ട് ബ​ഹ​ളം വ​ച്ചു. തു​ട​ർ​ന്ന് പ​രി​ക്കേ​റ്റ യു​വാ​ക്ക​ളും പോ​ലീ​സു​കാ​ര​നും താ​ലൂ​ക്ക് ആശു​പ​ത്രി​ൽ എ​ത്തി ചി​കി​ത്സതേ​ടി.

പോ​ലീ​സു​കാ​ര​ൻ മെ​ഡി​ക്ക​ൽ പ​രി​ശോ​ധ​ന​യ്ക്ക് വി​ധേ​യ​നാ​യി. എ​ന്നാ​ൽ, മെ​ഡി​ക്ക​ൽ പ​രി​ശോ​ധ​ന​യി​ൽ പോ​ലീ​സ് ഉ​ദ്യോ​ഗ​സ്ഥ​ൻ മ​ദ്യ​പി​ച്ചി​ട്ടി​ല്ല എ​ന്ന് വ്യ​ക്ത​മാ​യ​പ്പോ​ൾ പോ​ലീ​സ് ജീ​പ്പ് ത​ട​ഞ്ഞുനി​ർ​ത്തി പോ​ലീ​സ് ഉ​ദ്യോ​ഗ​സ്ഥ​രു​ടെ ഡ്യൂ​ട്ടി യു​വാ​ക്ക​ൾ ത​ട​സ​പ്പെ​ടു​ത്തി​യെ​ന്നാ​ണ് പോ​ലീ​സി​ന്‍റെ പ​രാ​തി.

ര​ക്ത സ​മ്മ​ർ​ദം ഉ​യ​ർ​ന്ന പോ​ലീ​സു​കാ​ര​നെ യു​വാ​ക്ക​ൾ ത​ട​ഞ്ഞു​വ​ച്ചെ​ന്നും പോ​ലീ​സ് പ​റ​യു​ന്നു. തു​ട​ർ​ന്ന് ആ​റാ​ട്ടു​പു​ഴ പെ​രു​മ്പ​ള്ളി കൊ​ച്ചുമ​ണ്ണേ​ൽ വീ​ട്ടി​ൽ രാ​ഹു​ൽ (28), കീ​രി​ക്കാ​ട് തെ​ക്ക് വൈ​ക്ക​ത്ത് വീ​ട്ടി​ൽ ഫൈ​സ​ൽ (21) എ​ന്നി​വ​രെ പോ​ലീ​സ് അ​റ​സ്റ്റ് ചെ​യ്തു.

രാ​ഹു​ൽ സ്റ്റേ​ഷ​ൻ ജിഡി ചാ​ർ​ജി​ലു​ണ്ടാ​യി​രു​ന്ന ദീ​പ​ക് എ​ന്ന പോ​ലീ​സു​ദ്യോ​ഗ​സ്ഥ​നെ ദേ​ഹോ​പ​ദ്ര​വം ഏ​ൽ​പ്പി​ച്ച​താ​യി ചൂ​ണ്ടി​ക്കാ​ട്ടി പോ​ലീ​സ് കേ​സ് ര​ജി​സ്റ്റ​ർ ചെ​യ്തു. വാ​ദി പ്ര​തി​യാ​യെ​ന്ന ആ​ക്ഷേ​പ​വും ശ​ക്ത​മാ​യി. കാ​യം​കു​ളം ജ്യു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കി​യ യു​വാ​ക്ക​ൾ​ക്ക് കോ​ട​തി ജാ​മ്യ​വും അ​നു​വ​ദി​ച്ചു.