കൊച്ചി: നോര്‍ത്ത് പരമാര റോഡിലെ ഹോട്ടലില്‍നിന്ന് സ്‌കൂട്ടറും ചെമ്പുപാത്രങ്ങളും മോഷ്ടിച്ചയാള്‍ അറസ്റ്റില്‍. പാലക്കാട് സ്വദേശി വിജയ (50)നെയാണ് എറണാകുളം നോര്‍ത്ത് പോലീസ് ഇന്‍സ്‌പെക്ടര്‍ പ്രതാപ് ചന്ദ്രന്‍, എസ്‌ഐ എന്‍. ആഷിഖ് എന്നിവരുടെ നേതൃത്വത്തിലുള്ള പോലീസ് സംഘം ഇന്ന് പുലര്‍ച്ചെ അറസ്റ്റ് ചെയ്തത്.
കഴിഞ്ഞ ഡിസംബര്‍ 30-നായിരുന്നു ഹോട്ടലിനു സമീപം പാര്‍ക്ക് ചെയ്തിരുന്ന സ്‌കൂട്ടറും ഹോട്ടലില്‍ നിന്ന് 27,000 രൂപ വില വരുന്ന ചെമ്പുപാത്രങ്ങളും വിജയന്‍ മോഷ്ടിച്ചത്.
ഇതിനുശേഷം ഇയാള്‍ ഒളിവില്‍ കഴിയുകയായിരുന്നു. ഇന്നു പുലര്‍ച്ചെ ഒന്നരയോടെ എറണാകുളം കലൂര്‍ ഭാഗത്തുനിന്നാണ് പ്രതി പിടിയിലായത്. ഇയാളെ ഇന്ന് ഉച്ചയ്ക്കു ശേഷം കോടതിയില്‍ ഹാജരാക്കും.
