ചേർത്തല: ഒരുമിച്ചിരുന്ന് മദ്യപിച്ച സുഹൃത്തുക്കളായ പോലീസുകാർ തമ്മിലുണ്ടായ തർക്കത്തെത്തുടർന്ന് ഒരാൾക്ക് കുത്തേറ്റു. കഴിഞ്ഞദിവസമായിരുന്നു സംഭവം. ഒരാൾ ചേർത്തല സ്റ്റേഷനിലെ സിവിൽ പോലീസ് ഓഫീസറും രണ്ടാമത്തെയാൾ ഇതേ സ്റ്റേഷനിലെ ട്രാഫിക് പോലീസുമാണ്. ഉറ്റസുഹത്തുക്കളായ ഇരുവരും. ഡ്യൂട്ടികഴിഞ്ഞ് ചക്കരകുളത്തുള്ള വീട്ടിൽ ഒരുമിച്ചിരുന്നു മദ്യപിക്കുകയായിരുന്നു.
മദ്യസേവക്കിടെ സാന്പത്തികത്തെ ചൊല്ലിയുള്ള തർക്കം പിന്നീട് സംഘർഷത്തിൽ കലാശിക്കുകയായിരുന്നു. കുത്തുകൊണ്ട പോലീസുകാരൻ ചികിത്സക്കായി ചേർത്തല താലൂക്കാശുപത്രിയിൽ എത്തിയെങ്കിലും മുറിവ് ആഴത്തിലുള്ളതായിരുന്നതിനാൽ ആലപ്പുഴ വണ്ടാനം മെഡിക്കൽ കോളേജിലേക്ക് മാറ്റി.
