എ​എ​സ്ഐ യെ ​വെ​ടി​വ​ച്ചു​കൊ​ന്ന സംഭവം! കേരളത്തിൽ നാല് ജില്ലകൾ കേന്ദ്രീകരിച്ച് അന്വേഷണം

തി​രു​വ​ന​ന്ത​പു​രം: കേ​ര​ള- ത​മി​ഴ്നാ​ട് അ​തി​ർ​ത്തി​യാ​യ ക​ളി​യി​ക്കാ​വി​ള​യി​ൽ എ​എ​സ്ഐ യെ ​വെ​ടി​വ​ച്ചു​കൊ​ന്ന കേ​സി​ലെ പ്ര​തി​ക​ളെ പി​ടി​കൂ​ടാ​ൻ കേ​ര​ള​ത്തി​ലും അ​ന്വേ​ഷ​ണം ഉൗ​ർ​ജി​ത​മാ​ക്കി. തി​രു​വ​ന​ന്ത​പു​രം, കൊ​ല്ലം, എ​റ​ണാ​കു​ളം, കോ​ഴി​ക്കോ​ട് എ​ന്നീ ജില്ലകൾ കേ​ന്ദ്രീ​ക​രി​ച്ചാ​ണ് പ്ര​ധാ​ന​മാ​യും പോ​ലീ​സ് അ​ന്വേ​ഷ​ണം ന​ട​ത്തു​ന്ന​ത്.

കൊ​ല​പാ​ത​ക​ത്തി​ന് ശേ​ഷം പ്ര​തി​ക​ൾ കേ​ര​ള​ത്തി​ലേ​ക്ക് ക​ട​ന്നി​ട്ടു​ണ്ടെ​ന്നും പ്ര​തി​ക​ളെ പി​ടി​കൂ​ടാ​ൻ ത​മി​ഴ്നാ​ട് ഡി​ജി​പി കേ​ര​ള ഡി​ജി​പി ലോ​ക്നാ​ഥ് ബെ​ഹ്റ​യെ നേ​രി​ൽ ക​ണ്ട് സ​ഹാ​യം അ​ഭ്യ​ർ​ത്ഥി​ച്ച​തി​ന്‍റെ പ​ശ്ചാ​ത്ത​ല​ത്തി​ലാ​ണ് കേ​ര​ളാ പോ​ലീ​സ് ത​മി​ഴ്നാ​ട് പോ​ലീ​സി​നെ സ​ഹാ​യി​ക്കാ​നാ​യി കേ​ര​ള​ത്തി​ലും അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രി​ക്കു​ന്ന​ത്. കേ​ര​ള​ത്തി​ലെ അ​ന്വേ​ഷ​ണ​ത്തി​ന്‍റെ ഏ​കോ​പ​ന ചു​മ​ത​ല തീ​വ്ര​വാ​ദ വി​രു​ദ്ധ സ്ക്വാ​ഡി​ലെ ഐ​ജി. അ​നൂ​പ് കു​രു​വി​ള ജോ​ണി​നാ​ണ്.

എ​എ​സ്ഐ​യെ വെ​ടി​വ​ച്ചു കൊ​ന്ന കേ​സി​ലെ പ്ര​തി​ക​ളാ​യ തൗ​ഫി​ക്ക്, ഷ​മീം എ​ന്നി​വ​ർ നി​രോ​ധി​ത ഭീ​ക​ര​സം​ഘ​ട​ന​യു​മാ​യി ബ​ന്ധ​പ്പെ​ട്ട​വ​രാ​ണെ​ന്നും കേ​ര​ള​ത്തി​ലും ഭീ​ക​രാ​ക്ര​മ​ണം ന​ട​ത്താ​ൻ സാ​ധ്യ​ത​യു​ണ്ടെ​ന്ന വി​വ​ര​ങ്ങ​ളും ത​മി​ഴ്നാ​ട് പോ​ലീ​സ് കേ​ര​ള പോ​ലീ​സ് മേ​ധാ​വി​യെ അ​റി​യി​ച്ചി​രു​ന്നു.

ഇ​തേ തു​ട​ർ​ന്നാ​ണ് കേ​ര​ള- ത​മി​ഴ്നാ​ട് പോ​ലീ​സു​ക​ൾ സം​യു​ക്ത അ​ന്വേ​ഷ​ണം ആ​രം​ഭി​ക്കാ​ൻ തീ​രു​മാ​നി​ച്ച​ത്. മി​ഴ്നാ​ട് പോ​ലീ​സ് പു​റ​ത്ത് വി​ട്ട തൗ​ഫി​ക്കി​ന്‍റെ​യും ഷ​മീ​മി​ന്‍റെ​യും ചി​ത്ര​ങ്ങ​ൾ കേ​ര​ള​ത്തി​ലെ റെ​യി​ൽ​വെ സ്റ്റേ​ഷ​നു​ക​ളി​ലും ബ​സ് സ്റ്റേ​ഷ​നു​ക​ളി​ലും ഇ​ല​ക്ട്രോ​ണി​ക് മീ​ഡി​യ​ക​ളി​ൽ ഉ​ൾ​പ്പെ​ടെ പോ​ലീ​സ് ലു​ക്കൗ​ട്ട് നോ​ട്ടീ​സാ​യി പൊ​തു​ജ​ന​ങ്ങ​ളു​ടെ അ​റി​വി​ലേ​ക്ക് പു​റ​ത്ത് വി​ട്ടി​ട്ടു​ണ്ട്്.

കേ​ര​ള​ത്തി​ൽ ജാ​ഗ്ര​ത പാ​ലി​ക്കാ​ൻ സം​സ്ഥാ​ന പോ​ലീ​സ് മേ​ധാ​വി ലോ​ക്നാ​ഥ് ബെ​ഹ്റ എ​ല്ലാ പോ​ലീ​സ് സ്റ്റേ​ഷ​നി​ലെ എ​സ്എ​ച്ച്ഒ​മാ​ർ​ക്കും നി​ർ​ദേ​ശം ന​ൽ​കി​യി​ട്ടു​ണ്ട്. പ്ര​ധാ​ന​പ്പെ​ട്ട എ​ല്ലാ ആ​രാ​ധ​നാ​ല​യ​ങ്ങ​ൾ​ക്കും പോ​ലീ​സ് സം​ര​ക്ഷ​ണം ഏ​ർ​പ്പെ​ടു​ത്തി​യി​ട്ടു​ണ്ട്.

കേ​ര​ള​ത്തി​ൽ ഉ​ൾപ്പെടെ ആ​ക്ര​മ​ണ​ത്തി​ന് തീ​വ്ര​വാ​ദി​ക​ൾ പ​ദ്ധ​തി​യി​ട്ടി​രി​ക്കു​ക​യാ​ണെ​ന്ന് കേ​ന്ദ്ര ഇ​ന്‍റ​ലി​ജ​ൻ​സ് ഏ​ജ​ൻ​സി​ക​ളും നേ​ര​ത്തെ സം​സ്ഥാ​ന ആ​ഭ്യ​ന്ത​ര വ​കു​പ്പി​ന് റി​പ്പോ​ർ​ട്ട് ന​ൽ​കി​യി​രു​ന്നു. ഭീ​ക​ര​രാ​യ തൗ​ഫി​ക്കി​നും ഷ​മീ​മി​നും മ​ല​യാ​ളി​ക​ളു​മാ​യി ബ​ന്ധ​മു​ണ്ടെ​ന്നാ​ണ് ത​മി​ഴ്നാ​ട് പോ​ലീ​സ് കേ​ര​ള പോ​ലീ​സി​നെ അ​റി​യി​ച്ചി​രി​ക്കു​ന്ന​ത്. അ​തി​നാ​ൽ ഇ​വ​ർ​ക്ക് കേ​ര​ള​ത്തി​ൽ ഒ​ളി​വി​ൽ ക​ഴി​യാ​ൻ സ​ഹാ​യം ല​ഭി​ക്കു​മെ​ന്നാ​ണ് പോ​ലീ​സി​ന്‍റെ സം​ശ​യം.

കോ​യ​ന്പ​ത്തൂ​ർ ബോം​ബ് സ്ഫോ​ട​നം ന​ട​ത്തി​യ അ​ൽ- ഉ​മ്മ എ​ന്ന ഭീ​ക​ര സം​ഘ​ട​ന​യു​മാ​യി ബ​ന്ധ​മു​ള്ള​വ​രാ​ണ് തൗ​ഫി​ക്ക്, ഷ​മീം എ​ന്നി​വ​ർ ഉ​ൾ​പ്പെ​ട്ട പ്ര​തി​ക​ളെ​ന്നാ​ണ് പോ​ലീ​സ് പു​റ​ത്ത് വി​ട്ടി​രി​ക്കു​ന്ന വി​വ​രം. കോ​യ​ന്പ​ത്തൂ​ർ ബോം​ബ് സ്ഫോ​ട​ന​ത്തി​ൽ അ​ന്ന് 90 ൽ​പ​രം ആ​ളു​ക​ൾ കൊ​ല്ല​പ്പെ​ട്ടി​രു​ന്നു. നി​ര​വ​ധി​പേ​ർ​ക്ക് ഗു​രു​ത​ര പ​രി​ക്കും ഏ​റ്റി​രു​ന്നു. അ​ൽ- ഉ​മ്മ എ​ന്ന സം​ഘ​ട​ന​യു​ടെ പു​തി​യ രൂ​പ​മാ​ണ് തൗ​ഫി​ക്കും ഷ​മീ​മും ഉ​ൾ​പ്പെ​ട്ട നാ​ഷ​ണ​ൽ ലീ​ഗ് ത​മി​ഴ്നാ​ട് എ​ന്ന സം​ഘ​ട​ന​യെ​ന്നാ​ണ് പോ​ലീ​സ് വ്യ​ക്ത​മാ​ക്കു​ന്ന​ത്.

അ​ൽ-​ഉ​മ്മ സം​ഘ​ട​ന​യു​മാ​യി ബ​ന്ധ​പ്പെ​ട്ട​വ​രെ ത​മി​ഴ്നാ​ട് പോ​ലീ​സ് ചോ​ദ്യം ചെ​യ്ത് വ​രി​ക​യാ​ണ്. ക​ന്യാ​കു​മാ​രി​യി​ലെ ഹി​ന്ദു​മു​ന്ന​ണി നേ​താ​വി​നെ കൊ​ല​പ്പെ​ടു​ത്തി​യ കേ​സ് ഉ​ൾ​പ്പെ​ടെ നി​ര​വ​ധി കേ​സു​ക​ൾ തൗ​ഫി​ക്കി​ന്‍റെ​യും ഷ​മീ​മി​ന്‍റെ​യും പേ​രി​ൽ നി​ല​വി​ലു​ണ്ടെ​ന്നാ​ണ് പോ​ലീ​സ് പ​റ​യു​ന്ന​ത്. ഇ​വ​രോ​ടൊ​പ്പം നേ​ര​ത്തെ ജ​യി​ലി​ൽ ക​ഴി​ഞ്ഞി​രു​ന്ന​വ​രെ കേ​ന്ദ്രീ​ക​രി​ച്ച് കേ​ര​ള​ത്തി​ലും അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ഇ​വ​ർ​ക്ക് കേ​ര​ള​ത്തി​ൽ നി​ന്നും സ​ഹാ​യം ല​ഭി​ച്ചി​ട്ടു​ണ്ടൊ​യെ​ന്നും ഉ​ൾ​പ്പെ​ടെ​യു​ള്ള വി​വ​ര​ങ്ങ​ൾ അ​റി​യാ​നാ​ണ് ഇ​ത്ത​ര​ത്തി​ലു​ള്ള അ​ന്വേ​ഷ​ണം.