വീട്ടിൽ അതിക്രമിച്ചു കയറി  പോ​ലീ​സ് യു​വാ​വി​നെ മ​ർ​ദ്ദി​ച്ചു​വെ​ന്ന പ​രാ​തി: പ്രാ​ഥ​മി​ക അ​ന്വേ​ഷ​ണം ആ​രം​ഭി​ച്ചു; സംഭവം പു​റ​ത്ത് പ​റ​ഞ്ഞാ​ൽ ക​ള്ള​ക്കേ​സി​ൽ കുടുക്കുമെന്ന് പോ​ലീ​സ് ഭീ​ഷ​ണി​പ്പെ​ടു​ത്തിയെന്ന് യുവാവ്

തി​രു​വ​ന​ന്ത​പു​രം: ആ​ളു​മാ​റി യു​വാ​വി​നെ പോ​ലീ​സ് മ​ർ​ദ്ദി​ച്ചു​വെ​ന്ന പ​രാ​തി​യെ​ക്കു​റി​ച്ച് ആ​റ്റി​ങ്ങ​ൽ ഡി​വൈ​എ​സ്പി അ​നി​ൽ​കു​മാ​ർ പ്രാ​ഥ​മി​ക അ​ന്വേ​ഷ​ണം ആ​രം​ഭി​ച്ചു. വ​ക്കം പു​തു​വ​ൽ വ​ട​ക്കും​ഭാ​ഗം വീ​ട്ടി​ൽ അ​ജി (48)യു​ടെ പ​രാ​തി​യി​ലാ​ണ് ഡി​വൈ​എ​സ്പി അ​ന്വേ​ഷ​ണം ന​ട​ത്തു​ന്ന​ത്.

വാ​റ​ന്‍റ് പ്ര​തി​യെ​ന്നാ​രോ​പി​ച്ച് രാ​ത്രി​യി​ൽ ക​ട​യ്ക്കാ​വൂ​ർ എ​സ്ഐ​യു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം വീ​ട്ടി​ൽ അ​തി​ക്ര​മി​ച്ച് ക​യ​റി മ​ർ​ദ്ദി​ച്ചു​വെ​ന്ന് കാ​ട്ടി ഇ​യാ​ൾ ആ​റ്റി​ങ്ങ​ൽ ഡി​വൈ​എ​സ്പി​ക്ക് പ​രാ​തി ന​ൽ​കി​യി​രു​ന്നു.

പോ​ലീ​സ് അ​ന്വേ​ഷി​ക്കു​ന്ന പ്ര​തി താ​ന​ല്ലെ​ന്ന് പ​റ​യു​ക​യും താ​ൻ വി​ദേ​ശ​ത്ത് നി​ന്നും നാ​ട്ടി​ൽ അ​വ​ധി​ക്ക് വ​ന്ന​താ​ണെ​ന്നും തെ​ളി​വാ​യി പാ​സ്സ്പോ​ർ​ട്ട് കാ​ണി​ച്ച​തോ​ടെയാണ് പോ​ലീ​സു​കാ​ർ മ​ട​ങ്ങി​പ്പോ​യെ​ന്നും ഈ ​വി​വ​രം പു​റ​ത്ത് പ​റ​ഞ്ഞാ​ൽ ക​ള്ള​ക്കേ​സി​ൽ​പ്പെ​ടു​ത്തു​മെ​ന്ന് പോ​ലീ​സ് ഭീ​ഷ​ണി​പ്പെ​ടു​ത്തി​യെ​ന്നു​മാ​യി​രു​ന്നു അ​ജി​യു​ടെ പ​രാ​തി.

എ​ന്നാ​ൽ വാ​റ​ന്‍റ് കേ​സി​ലെ പ്ര​തി​യെ അ​ന്വേ​ഷി​ച്ച് അ​ജി​യു​ടെ വീ​ട്ടി​ൽ പോ​യി​രു​ന്നു​വെ​ന്നും ഇ​യാ​ൾ വി​ദേ​ശ​ത്താ​യി​രു​ന്നു​വെ​ന്ന​തി​ന് തെ​ളി​വാ​യി പാ​സ്സ്പോ​ർ​ട്ട് കാ​ണി​ച്ച​പ്പോ​ൾ പോ​ലീ​സ് മ​ട​ങ്ങി​പ്പോ​കു​യാ​യി​രു​ന്നു​വെ​ന്നും അ​ജി​യെ മ​ർ​ദ്ദി​ക്കു​ക​യും അ​സ​ഭ്യം വി​ളി​ക്കു​ക​യൊ ചെ​യ്തി​ട്ടി​ല്ലെ​ന്നാ​ണ് പോ​ലീ​സ് പ​റ​യു​ന്ന​ത്.

ക​ട​യ്ക്കാ​വൂ​ർ എ​സ്ഐ​യി​ൽ നി​ന്നും പ​രാ​തി​ക്കാ​ര​നി​ൽ നി​ന്നും ഡി​വൈ​എ​സ്പി വി​വ​ര​ങ്ങ​ൾ ശേ​ഖ​രി​ച്ചു. പ്ര​ദേ​ശ​വാ​സി​ക​ളി​ൽ നി​ന്നും കൂ​ടു​ത​ൽ വി​വ​ര​ങ്ങ​ൾ അ​ന്വേ​ഷി​ക്കേ​ണ്ട​തു​ണ്ടെ​ന്ന് ഡി​വൈ​എ​സ്പി അ​റി​യി​ച്ചു.