കോഴിക്കോട്: സിഐടിയു പ്രവർത്തകർ പോലീസുകാരെ മർദ്ദിച്ച സംഭവത്തിൽ കേസെടുത്ത സിഐക്ക് സ്ഥലംമാറ്റം. കസബ സിഐ പ്രമോദിനെ കാസർഗോഡ് കുമ്പള കോസ്റ്റൽ പോലീസ് സ്റ്റേഷനിലേക്കാണ് മാറ്റിയത്.
കോഴിക്കോട് പുതിയ സ്റ്റാന്‍റിൽ രണ്ട് എസ്ഐമാരടക്കം അഞ്ച് പോലീസുകാരെ മർദിച്ച സംഭവത്തിൽ മൂന്ന് പേരെ അറസ്റ്റു ചെയ്തിരുന്നു. മൂന്ന് കേസുകളിലായി 116 പേർക്കെതിരായി പോലീസ് കേസെടുത്തിരുന്നു.
സ്വകാര്യ ബസിനുള്ളിലേക്ക് സിഐടിയുക്കാര്‍ ചരക്ക് കയറ്റിയത് കാലില്‍ വീണത് യാത്രക്കാരനായിരുന്ന എസ്ഐ ബാബുരാജ് ചോദ്യം ചെയ്തതിനെ തുടര്‍ന്ന് ഉണ്ടായ തര്‍ക്കമാണ് സംഘര്‍ഷത്തില്‍ കലാശിച്ചത്.
