കൊച്ചി: പോലീസ് സ്റ്റേഷനില്വച്ച് എസ്‌ഐ പ്രതിയെ മര്‍ദിക്കുന്ന ദൃശ്യങ്ങള്‍ പുറത്ത്. എറണാകുളം അമ്പലമേട് സ്റ്റേഷനില്‍ ഒരു വര്‍ഷം മുമ്പ് നടന്ന സംഭവത്തിന്‍റെ ദൃശ്യങ്ങളാണ് പുറത്തുവന്നത്. സംഭവത്തില്‍ എസ്‌ഐ റെജിക്കെതിരേ ഉന്നതതല അന്വേഷണം തുടങ്ങി.
മുന്‍ ഭാര്യയെ വാടകവീട്ടില്‍ കയറി ആക്രമിച്ച കേസിലെ പ്രതി ബിബിന്‍ തോമസിനാണ് മര്‍ദനമേറ്റത്. 2023 ജനുവരി 20നാണ് ഇയാളെ പോലീസ് കസ്റ്റഡിയിലെടുത്തത്.
വേര്‍പിരിഞ്ഞു കഴിഞ്ഞ ഭാര്യയെ വാടകവീട്ടില്‍ കയറി ആക്രമിച്ചെന്ന പരാതിയിലായിരുന്നു അറസ്റ്റ്. വധശ്രമം ഉള്‍പ്പെടെയുള്ള വകുപ്പുകള്‍ ചുമത്തിയാണ് ഇയാള്‍ക്കെതിരേ കേസെടുത്തത്.
അക്രമാസക്തനായ പ്രതി സ്റ്റേഷനില്വച്ച് ബഹളമുണ്ടാക്കിയപ്പോള്‍ നിയന്ത്രിക്കാനാണ് താന്‍ ശ്രമിച്ചതെന്നാണ് എസ് ഐയുടെ വിശദീകരണം.
അതേസമയം സ്‌റ്റേഷനിലുള്ളിലെ സസിടിവി ദൃശ്യങ്ങള്‍ എഡിറ്റ് ചെയ്ത് സമൂഹമാധ്യമങ്ങളില്‍ പ്രചരിപ്പിച്ച സംഭവത്തില്‍ അന്വേഷണം ആവശ്യപ്പെട്ട് എസ്‌ഐ ഉന്നത ഉദ്യോഗസ്ഥരെ സമീപിച്ചിട്ടുണ്ട്.
