പാലക്കാട്: മലമ്പുഴയിൽ വഴി തെറ്റി ഉൾവനത്തിൽ കുടുങ്ങിയ പോലീസ് സംഘം സുരക്ഷിതരെന്ന് റിപ്പോർട്ട്. ഇവരെ ഫോണിൽ ബന്ധപ്പെടാനായെന്ന് പോലീസ് വൃത്തങ്ങൾ അറിയിച്ചു.
കഴിഞ്ഞ രാത്രി മുതൽ 14 പേരടങ്ങുന്ന സംഘം ഉൾവനത്തിൽ ഒരു പാറയുടെ മുകളില്‍ തുടരുകയാണെന്നാണ് വിവരം. വനംവകുപ്പ് ഉദ്യോഗസ്ഥർ രക്ഷാപ്രവർത്തനത്തിനായി ഇവിടേക്ക് തിരിച്ചിട്ടുണ്ട്.
കഞ്ചാവ് തോട്ടം തിരയാൻ പോയ തണ്ടര്‍ ബോള്‍ട്ട് സംഘമാണ് വഴിതെറ്റി ഉൾവനത്തില്‍ കുടുങ്ങിയത്. വാളയാര്‍ വനമേഖലയില്‍നിന്നും എട്ട് കിലോമീറ്റര്‍ ഉള്‍വനത്തില്‍ ഇവരുണ്ടെന്നാണ് പോലീസ് പറയുന്നത്.
