ഈ ഗതികേട് ഇനി വരുത്തരുതേ..! പീ​ഡ​ന​ത്തി​നി​ര​യാ​യ ബാ​ലി​കയുമായി വൈ​ദ്യ​പ​രി​ശോ​ധ​ന​യ്ക്കു പോ​യ ര​ക്ഷി​താ​ക്ക​ളെ​യും പോലീസിനെയും വട്ടം കറക്കി ഡോക്ടർമാർ

വൈ​പ്പി​ൻ: ലൈം​ഗീ​ക പീ​ഡ​ന​ത്തി​നി​ര​യാ​യ ബാ​ലി​ക​യേ​യും കൊ​ണ്ട് വൈ​ദ്യ​പ​രി​ശോ​ധ​ന​ക്ക് പോ​യ  ര​ക്ഷി​താ​ക്ക​ളെ​യും പോ​ലീ​സി​നെ​യും ആ​ശു​പ​ത്രി​ക​ൾ വ​ട്ടം ക​റ​ക്കി. എ​ട​വ​ന​ക്കാ​ട് ബ​ന്ധു​വാ​യ യു​വാ​വി​ന്‍റെ പീ​ഡ​ന​ത്തെ തു​ട​ർ​ന്നു​ള്ള നി​യ​മ​ന​ട​പ​ടി​ക​ളു​ടെ ഭാ​ഗ​മാ​യാ​ണ് വൈ​ദ്യ​പ​രി​ശോ​ധ​ന​ക്കാ​യി ബാ​ലി​ക​യെ ആ​ശു​പ​ത്രി​യി​ൽ കൊ​ണ്ട് പോ​യ​ത്.

ക​ഴി​ഞ്ഞ​ദി​വ​സം രാ​വി​ലെ ഞാ​റ​ക്ക​ലി​ൽ നി​ന്നും പു​റ​പ്പെ​ട്ട ഇ​വ​ർ ത​രി​ച്ചെ​ത്തി​യ​ത് പാ​തി​രാ​ത്രി​യാ​ണ​ത്രേ. ഗൈ​ന​ക്കോ​ള​ജി​സ്റ്റി​നെ തേ​ടി ആ​ദ്യം വ​നി​താ​പോ​ലീ​സി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​വും ര​ക്ഷി​താ​ക്ക​ളും എ​റ​ണാ​കു​ളം ജ​ന​റ​ലാ​ശു​പ​ത്രി​യി​ലാ​ണ് എ​ത്തി​യ​ത്. ഗൈ​ന​ക്കോ​ള​ജി​സ്റ്റി​നെ കാ​ത്ത് കാ​ണാ​തെ ഒ​രു മ​ണി​ക്കൂ​റോ​ളം കാ​ത്ത് നി​ന്ന ഇ​വ​ർ​ക്ക് അ​വി​ടെ നി​ന്നും പ​റ​വൂ​ർ താ​ലൂ​ക്ക് ആ​ശു​പ​ത്രി​യി​ലേ​ക്ക് പോ​രേ​ണ്ടി വ​ന്നു.

പ​റ​വൂ​രെ​ത്തി​യ​പ്പോ​ൾ അ​തു​വ​രെ അ​വി​ടെ​യു​ണ്ടാ​യി​രു​ന്ന ഡോ​ക്ട​ർ സ്ഥ​ലം വി​ട്ടു. ഇ​തോ​ടെ പോ​ലീ​സ് വീ​ണ്ടും അ​ങ്ക​ലാ​പ്പി​ലാ​യി. തു​ട​ർ​ന്ന് ആ​ലു​വ താ​ലൂ​ക്കാ​ശു​പ​ത്രി​യി​ലേ​ക്ക് വി​ളി​ച്ച് ഗൈ​ന​ക്കോ​ള​ജി​സ്റ്റ് സ്ഥ​ല​ത്തു​ണ്ടെ​ന്ന് ഉ​റ​പ്പ് വ​രു​ത്തി പോ​ലീ​സ് ബാ​ലി​ക​യേ​യും കൂ​ട്ടി അ​ങ്ങോ​ട്ട് പോ​യി. അ​വി​ടെ മ​റ്റൊ​രു പീ​ഡ​ന​ക്കേ​സി​ലെ ഇ​ര​യാ​യ ബാ​ലി​ക​യെ പ​രി​ശോ​ധി​ച്ചു​കൊ​ണ്ടി​രി​ക്കു​ക​യാ​ണെ​ന്നും ഉ​ട​ൻ എ​ത്തി​യാ​ൽ കാ​ണാ​മെ​ന്നും ആ​ശു​പ​ത്രി അ​ധി​കൃ​ത​ർ പ​റ​ഞ്ഞ​ത​നു​സ​രി​ച്ചാ​ണ് പോ​ലീ​സ് പോ​യ​ത്. എ​ന്നാ​ൽ അ​വി​ടെ ചെ​ന്ന​പ്പോ​ഴേ​ക്കും ഡോ​ക്ട​ർ കാ​ത്തു നി​ൽ​ക്കാ​തെ സ്ഥ​ലം​വി​ട്ട​ത്രേ.

ഗ​ത്യ​ന്ത​ര​മി​ല്ലാ​തെ പോ​ലീ​സ് പി​ന്നീ​ട് ബാ​ലി​ക​യെ ക​ള​മ​ശേ​രി മെ​ഡി​ക്ക​ൽ കോ​ളജി​ലെ​ത്തി​ച്ചു. അ​പ്പോ​ഴേ​ക്കും സ​മ​യം രാ​ത്രി ഏ​ഴ​ര മ​ണി. ഗൈ​ന​ക്കോ​ള​ജി​സ്റ്റി​നെ ക​ണ്ട് പ​രി​ശോ​ധ​ന​ക​ൾ , ടെ​സ്റ്റു​ക​ൾ എ​ന്നി​വ ക​ഴി​ഞ്ഞ​പ്പോ​ൾ രാ​ത്രി പ​ത്ത​ര. പി​ന്നീ​ട് ബാ​ലി​ക​യെ തി​രി​കെ വീ​ട്ടി​ലെ​ത്തി​ച്ച​പ്പോ​ൾ സ​മ​യം അ​ർ​ധ​രാ​ത്രി പ​ന്ത്ര​ണ്ട് മ​ണി. ഡോ​ക്ട​ർ​മാ​രു​ടെ നി​സ​ഹ​ക​ര​ണ​മാ​ണ് ഇ​തി​നു കാ​ര​ണ​മെ​ന്നാ​ണ് പോ​ലീ​സി​ന്‍റെ ആ​രോ​പ​ണം.

നി​യ​മ​പ​ര​മാ​യി ഇ​ത് ഇ​വ​രു​ടെ ചു​മ​ത​ല​യാ​ണെ​ങ്കി​ലും പ​ല​രും ഇ​ങ്ങി​നെ​യു​ള്ള കേ​സു​ക​ളി​ൽ വൈ​ദ്യ​പ​രി​ശോ​ധ​ന ന​ട​ത്താ​ൻ മ​ടി​കാ​ണി​ക്കു​ക പ​ല​പ്പോ​ഴും പ​തി​വാ​ണെ​ന്ന് പോ​ലീ​സ് തു​ട​ർ​ന്ന് ചൂ​ണ്ടി​ക്കാ​ട്ടി. കേ​സ് കോ​ട​തി​യി​ലെ​ത്തു​ന്പോ​ൾ ഡോ​ക്ട​ർ​മാ​ർ ഹാ​ജ​രാ​ക​ണ​മെ​ന്ന​താ​ണ് ഇ​വ​രെ പി​ന്തി​രി​പ്പി​ക്കു​ന്ന​തെ​ന്നാ​ണ് സൂ​ച​ന.