കോഴിക്കോട്: സ്തുത്യര്‍ഹ സേവനത്തിനു സേനാംഗങ്ങളുടെ ആദരവ് ഏറ്റുവാങ്ങി 50 പോലീസുദ്യോഗസ്ഥര് സേനയില്‍ നിന്നു പടിയിറങ്ങുന്നു. കോഴിക്കോട് സിറ്റി പോലീസ് പരിധിയിലെ ഒരു അസി. കമ്മീഷണറടക്കംസേനാംഗങ്ങളാണ് 31 -ന് സര്‍വീസില്‍ നിന്നു വിരമിക്കുന്നത്. അപൂര്‍വമായാണു 50 പോലീസുകാര്‍ ഒരുമിച്ചു വിരമിക്കുന്നത്.
വിരമിക്കുന്നവര്‍ക്ക് കോഴിക്കോട് സിറ്റി പോലീസ് ഓഫീസേഴ്‌സ് അസോസിയേഷന്‍റേയും പോലീസ് അസോസിയേഷന്‍റേയും പോലീസ് എംപ്ലോയീസ് സഹകരണസംഘത്തിന്റേയും സംയുക്താഭിമുഖ്യത്തില്‍ യാത്രയയപ്പ് നല്‍കി.യാത്രയപ്പ് ചടങ്ങില്‍ സിറ്റി പോലീസ് കമ്മിഷണര്‍ ജെ. ജയനാഥ് ഉപഹാരസമര്‍പ്പണം നടത്തി. ഡിസിപി പി.ബി. രാജീവ് ചടങ്ങ് ഉദ്ഘാടനം ചെയ്തു.
പരിചയ സമ്പന്നരായ ഉദ്യോഗസ്ഥരുടെ നീണ്ട നിരയെയാണ് ഇതോടെ നഷ്ടമാകുന്നതെന്നും ഡിസിപി പറഞ്ഞു. പുതിയ ആളുകള്‍ വരുന്നുണ്ടെങ്കിലും പരിചയ സമ്പത്തിനു പോലീസില്‍ വലിയ പ്രാധാന്യമുണ്ട്. പെന്‍ഷന്‍ പ്രായം 56 ല്‍ നിന്ന് 58ആയി ഉയര്‍ത്തുന്നതില്‍ നടപടി ഉണ്ടാവണമെന്നും അദ്ദേഹം പറഞ്ഞു.
കേരള പോലീസ് ഓഫീസേഴ്‌സ് അസോസിയേഷന്‍ ജില്ലാ പ്രസിഡന്റ് കെ. വിവേകാനന്ദന്‍ അധ്യക്ഷത വഹിച്ചു. നടന്‍ ജോണി മുഖ്യാഥിതിയായിരുന്നു. സിറ്റി അഡ്മിനിസ്‌ട്രേഷന്‍ അസി. കമ്മിഷണര്‍ കെ.കെ. മൊയ്തീന്‍കുട്ടി, നോര്‍ത്ത് അസി. കമ്മിഷണര്‍ ഇ.പി. പൃഥ്വിരാജ്, ക്രൈംബ്രാഞ്ച് സാമ്പത്തിക കുറ്റാന്വേഷണ വിഭാഗം ഡിവൈ.എസ്.പി. പി.സി. സജീവൻ, കേരള പോലീസ് ഓഫീസേഴ്‌സ് അസോസിയേഷന്‍ സംസ്ഥാന എക്‌സിക്യൂട്ടീവ് അംഗം പി.ടി. മുരളീധരൻ, പി.സി. പുരുഷോത്തമന്‍, പോലീസ് അസോസിയേഷന്‍ ജില്ലാ സെക്രട്ടറി ജി.എസ്. ശ്രീജിഷ്, ജോ. സെക്രട്ടറി പി.ആർ. രഗീഷ് എന്നിവര്‍ പ്രസംഗിച്ചു.
നാര്‍ക്കോട്ടിക് സെല്‍ അസി. കമ്മിഷണര്‍ സി. അരവിന്ദാക്ഷന്‍, ആര്‍.ഐ. എ. കണ്ണന്‍ , എസ്.ഐമാരായ ചാത്തു നായര്‍, വി. ബാലന്‍, മൊയ്തു ചേനോത്ത്, പി.കെ. വിനോദന്‍, വിജയകുമാര്‍, ബിലകൃഷ്ണന്‍ നായര്‍, ടി. ഗംഗാധരന്‍, എം. വേലായുധന്‍, ടി. ശിവദാസന്‍ , പി. ബാബു, എന്‍.കെ. അശോകന്‍ , എന്‍.കെ. ശിവാനന്ദന്‍ , ഇ. അജിത്കുമാര്‍ , ടി. റഹീം, പി.കെ. രവീന്ദ്രന്‍ , പി.കെ. ശശീന്ദ്രന്‍ , എന്‍. സുരേഷ്, എം.പി. രവീന്ദ്രന്‍ , എ.കെ. പ്രേമന്‍ , പി. ജയന്‍ , എം. ബാബു , ടി. പുഷ്പാകരന്‍ , ടി.വി. രാജന്‍ , എന്‍.കെ. സുരേഷ് കുമാര്‍ , ടി.പി. സുധന്‍, ഗടി.പി. ണേശന്‍ , സി.എം. ഉണ്ണികൃഷ്ണന്‍, പി. സുരേശന്‍ , എം. പ്രേമരാജന്‍ , ടി. ശോഭി, കെ.കെ. ബാബു, കെ. പ്രകാശന്‍ , ഒ.പി. രാമചന്ദ്രന്‍ , കെ. ചന്ദ്രന്‍ , ഇ. പീതാംബരന്‍ , പി. ശിവശങ്കരന്‍ , വി. സുരേഷ് , കെ. പ്രഭാകരന്‍, പി. ഉദയന്‍, ടി.പി വേണുഗോപാല്‍, വി. ഗോപകുമാര്‍, എ.എസ്. ഐമാരായ മുരളീധരന്‍ സുനില്‍കുമാര്‍, കൃഷ്ണന്‍കുട്ടി, എച്ച്. സിമാരായ മൊയ്തീന്‍ കുട്ടി, പി. മുരളീധരന്‍ , ടി.വി. ചന്ദ്രഹാസന്‍ , സി.പി.ഒ: ഐ.വി. ധര്‍മ്മന്‍ എന്നിവരാണ് വിരമിക്കുന്നത്.
