പോ​ലീ​സ് സ്റ്റേ​ഷ​ൻ വ​ള​പ്പി​ൽ നി​ന്നും ബൈക്ക് മോഷ്ടിച്ച് ക​ള്ള​ന്മാ​ർ! രണ്ട് പാറാവുകാരുണ്ടായിട്ടും ബൈക്ക് കൊണ്ടു പോകുന്നത് കണ്ടത് സിസിടിവിയിൽ മാത്രം

തി​രു​വ​ന​ന്ത​പു​രം: മോ​ഷ്ടാ​വി​ൽ നി​ന്ന് പി​ടി​കൂ​ടി തൊ​ണ്ടി മു​ത​ലാ​യി വി​ഴി​ഞ്ഞം പോ​ലീ​സ് സ്റ്റേ​ഷ​ൻ മു​റ്റ​ത്ത് നി​ർ​ത്തി​യി​രു​ന്ന ബൈ​ക്ക് മ​ണി​ക്കൂ​റു​ക​ൾ​ക്കു​ള്ളി​ൽ​മോ​ഷ്ടി​ച്ചു.

പോ​ലീ​സ് സേ​ന​ക്ക് നാ​ണ​ക്കെ​ടു വ​രു​ത്തി​യ മോ​ഷ്ടാ​വി​നെ ക​ണ്ടെ​ത്താ​ൻ പ്ര​ത്യേ​ക അ​ന്വേ​ഷ​ണ സം​ഘ​ത്തെ രൂ​പീ​ക​രി​ച്ച് വ്യാ​പ​ക​മാ​യ അ​ന്വേ​ഷ​ണം ആ​രം​ഭി​ച്ചെ​ങ്കി​ലും മോ​ഷ്ടാ​ക്ക​ളെ ക​ണ്ടെ​ത്താ​നാ​യി​ല്ല. സി​സി​ടി​വി ദൃ​ശ്യ​ങ്ങ​ളി​ൽ നി​ന്ന് മാ​സ്ക്ക് ധ​രി​ച്ച ര​ണ്ട് പേ​രാ​ണ് മോ​ഷ​ണ​ത്തി​നു​പി​ന്നി​ലെ​ന്ന് പോ​ലീ​സ് ക​ണ്ടെ​ത്തി.

സ്റ്റേ​ഷ​ന്‍റെ മു​റ്റ​ത്ത് നി​ന്ന് ഒ​രാ​ൾ ബൈ​ക്ക് ഉ​രു​ട്ടി പു​റ​ത്തേ​ക്ക് പോ​കു​മ്പോ​ൾ മ​റ്റൊ​രാ​ൾ മു​ന്നി​ലെ റോ​ഡി​ൽ നി​ന്ന് പ​രി​സ​രം വീ​ക്ഷി​ക്കു​ന്ന​തി​ന്‍റെ ദൃ​ശ്യ​വും പോ​ലീ​സി​നു ല​ഭി​ച്ചു. തി​ങ്ക​ളാ​ഴ്ച വൈ​കു​ന്നേ​രം ആ​റോ​ടെ ഉ​ച്ച​ക്ക​ട ജം​ഗ​ഷ​ന് സ​മീ​പം സ്കൂ​ട്ട​ർ ഓ​ടി​ച്ച് പോ​വു​ക​യാ​യി​രു​ന്ന യു​വ​തി​യു​ടെ മാ​ല ബൈ​ക്കി​ലെ​ത്തി​യ യു​വാ​വ് പ​റി​ക്കാ​ൻ ശ്ര​മം ന​ട​ത്തി.

വാ​ഹ​ന​ത്തോ​ടൊ​പ്പം നി​ല​ത്തു​വീ​ണ യു​വ​തി​യു​ടെ നി​ല​വി​ളി കേ​ട്ട് നാ​ട്ടു​കാ​ർ ഓ​ടി​ക്കൂ​ടി​യ​തോ​ടെ മോ​ഷ​ണ​ശ്ര​മം ഉ​പേ​ക്ഷി​ച്ച മോ​ഷ്ടാ​വ് പു​ന്ന​ക്കു​ളം റോ​ഡി​ലേ​ക്ക് ഓ​ടി​ച്ച് പോ​യ ബൈ​ക്ക് ചെ​യി​ൻ ഊ​രി വീ​ണു.

പി​ന്നി​ൽ നാ​ട്ടു​കാ​ർ ഉ​ണ്ടെ​ന്ന് മ​ന​സി​ലാ​ക്കി​യ മോ​ഷ്ടാ​വ് ബൈ​ക്ക്റോ​ഡ് വ​ക്കി​ൽ പൂ​ട്ടി​വ​ച്ച ശേ​ഷം ക​ട​ന്നു ക​ള​ഞ്ഞു. വി​വ​ര​മ​റി​ഞ്ഞെ​ത്തി​യ വി​ഴി​ഞ്ഞം പോ​ലീ​സ് പൂ​ട്ട് ത​ക​ർ​ത്ത് ബൈ​ക്ക് സ്റ്റേ​ഷ​നി​ൽ എ​ത്തി​ച്ച് മു​റ്റ​ത്ത് തൊ​ണ്ടി മു​ത​ൽ സൂ​ക്ഷി​ക്കു​ന്ന സ്ഥ​ല​ത്ത് പാ​ർ​ക്ക് ചെ​യ്തു.

ചൊ​വ്വാ​ഴ്ച രാ​വി​ലെ മ​ഹ​സ​ർ എ​ഴു​താ​നാ​യി പോ​ലീ​സു​കാ​ർ ബൈ​ക്ക് പ​രി​ശോ​ധി​ച്ച സ​മ​യ​മാ​ണ് കാ​ണാ​താ​യ വി​വ​ര​മ​റി​യു​ന്ന​ത്. തു​ട​ർ​ന്ന് ന​ട​ത്തി​യ​സി​സി​ടി​വി പ​രി​ശോ​ധ​ന​യി​ലാ​ണ് ര​ണ്ട് യു​വാ​ക്ക​ൾ വാ​ഹ​നം ക​ട​ത്തി ക്കൊ​ണ്ടു​പോ​കു​ന്ന​താ​യി തെ​ളി​ഞ്ഞ​ത്.

നാ​ല് മ​ണി​ക്കൂ​ർ വീ​തം ഷി​ഫ്റ്റു​ക​ളി​ലാ​യി ര​ണ്ട് പാ​റാ​വു​കാ​രാ​ണ് രാ​ത്രി​കാ​ല​ങ്ങ​ളി​ൽ സ്റ്റേ​ഷ​നി​ൽ ഡ്യൂ​ട്ടി​യി​ലു​ള്ള​ത്. പു​ല​ർ​ച്ചെ അ​ഞ്ചി​ന് ഷി​ഫ്റ്റു​മാ​റു​ന്ന സ​മ​യം വ​രെ കാ​ത്തി​രു​ന്ന മോ​ഷ്ടാ​വ് രാ​വി​ലെ അ​ഞ്ചി​ന് വാ​ഹ​നം ക​വ​രു​ക​യാ​യി​രു​ന്നു.

രാ​ത്രി​യി​ൽ വാ​ഹ​ന​മി​രി​ക്കു​ന്ന സ്ഥ​ലം നി​രീ​ക്ഷി​ച്ച സം​ഘം പു​ല​ർ​ച്ചെ ത​ന്ത്ര​പൂ​ർ​വ്വം ഉ​രു​ട്ടി പു​റ​ത്തെ​ത്തി​ച്ച ശേ​ഷം കൈ​യി​ലു​ണ്ടാ​യി​രു​ന്ന താ​ക്കോ​ൽ ഉ​പ​യോ​ഗി​ച്ച് സ്റ്റാ​ർ​ട്ടാ​ക്കി ര​ക്ഷ പ്പെ​ട്ട​താ​യാ​ണ് പോ​ലീ​സ് നി​ഗ​മ​നം.

ബൈ​ക്കി​ന്‍റെ ന​മ്പ​ർ വ്യ​ജ​മെ​ന്ന​തും അ​ന്വേ​ഷ​ണ​ത്തി​ന് ത​ട​സ​മാ​യി. മ​ത്സ്യ​ത്തൊ​ഴി​ലാ​ളി​ക​ൾ പോ​ലീ​സ് സ്റ്റേ​ഷ​ൻ ആ​ക്ര​മി​ച്ച​തി​നു ശേ​ഷം സ്റ്റേ​ഷ​ന്‍റെ സു​ര​ക്ഷ വ​ർ​ധി​പ്പി​ച്ചി​രു​ന്നു. ഇ​തി​നി​ട​യി​ലാ​ണ് പോ​ലീ​സി​ന്‍റെ മൂ​ക്കി​നു തു​മ്പ​ത്ത് നി​ന്ന് തൊ​ണ്ടി​മു​ത​ലു​മാ​യി മോ​ഷ്ടാ​ക്ക​ൾ ക​ട​ന്ന​ത്.