കേ​സ് ര​ജി​സ്റ്റ​ർ ചെ​യ്യാ​തെ യു​വാ​ക്ക​ളെ ത​ട​വി​ലാ​ക്കി​യെന്ന പ​രാ​തിയിൽ അഭിഭാഷക കമ്മീഷന്‍റെ പോ​ലീ​സ് സ്റ്റേ​ഷ​ൻ പ​രി​ശോ​ധ​ന; സംഭവത്തിൽ പോലീസിന്‍റെ മറുപടി ഇങ്ങനെ…

ചേ​ർ​ത്ത​ല: കേ​സ് ര​ജി​സ്റ്റ​ർ ചെ​യ്യാ​തെ യു​വാ​ക്ക​ളെ ത​ട​വി​ലാ​ക്കി​യ സം​ഭ​വ​ത്തി​ൽ അ​ഭി​ഭാ​ഷ​ക ക​മ്മീ​ഷ​ൻ പോ​ലീ​സ് സ്റ്റേ​ഷ​നി​ൽ പ​രി​ശോ​ധ​ന ന​ട​ത്തി. ചേ​ർ​ത്ത​ല പോ​ലീ​സ് സ്റ്റേ​ഷ​നി​ലാ​ണ് സം​ഭ​വം. ത​ണ്ണീ​ർ​മു​ക്കം ചാ​ണി​യി​ൽ​വീ​ട്ടി​ൽ അ​നൂ​പ് അ​ഭി​ഭാ​ഷ​ക​നാ​യ എം.​എം. നി​യാ​സ് വ​ഴി ന​ൽ​കി​യ ഹ​ർ​ജി​യി​ലാ​ണ് പ​രി​ശോ​ധ​ന ന​ട​ത്താ​ൻ കോ​ട​തി ഉ​ത്ത​ര​വി​ട്ട​ത്.

ത​ന്‍റെ സ​ഹോ​ദ​ര​നെ വീ​ട്ടി​ൽ നി​ന്നും ക​സ്റ്റ​ഡി​യി​ലെ​ടു​ത്ത് പോ​ലീ​സ് സ്റ്റേ​ഷ​നി​ൽ അ​ന്യാ​യ​മാ​യി ത​ട​ഞ്ഞു​വെ​ച്ചി​രി​ക്കു​ന്നു​വെ​ന്നു കാ​ട്ടി​യാ​യി​രു​ന്നു ഹ​ർ​ജി. ചേ​ർ​ത്ത​ല ജു​ഡീ​ഷ്യ​ൽ ഒ​ന്നാം​ക്ലാ​സ് മ​ജി​സ്ട്രേ​റ്റ് കോ​ട​തി ഒ​ന്ന് ജ​ഡ്ജി അ​രു​ണ്‍ എം ​കു​രു​വി​ള​യാ​ണ് ഉ​ത്ത​ര​വി​ട്ട​ത്.

പ​രി​ശോ​ധ​ന​ക്കാ​യി അ​ഭി​ഭാ​ഷ​ക​നാ​യ സ​രു​ണ്‍ രാ​ധാ​കൃ​ഷ്ണ​നെ ക​മീ​ഷ​നാ​യും നി​യ​മി​ച്ചു. പ​രാ​തി​ക​ളെ തു​ട​ർ​ന്ന് ക​സ്റ്റ​ഡി​യി​ലെ​ടു​ത്ത​വ​രെ​യാ​ണ് പോ​ലീ​സ് സ്റ്റേ​ഷ​നി​ൽ സൂ​ക്ഷി​ച്ചി​രി​ക്കു​ന്ന​തെ​ന്നാ​ണ് വി​വ​രം. 21ന് ​ഉ​ച്ച​ക്കു​ശേ​ഷം ചേ​ർ​ത്ത​ല സ്റ്റേ​ഷ​നി​ൽ പ​രി​ശോ​ധ​ന ന​ട​ത്തി​യ ക​മീ​ഷ​ൻ ക​സ്റ്റ​ഡി​യി​ലെ​ടു​ത്ത​വ​രെ സ്റ്റേ​ഷ​നി​ൽ ക​ണ്ടെ​ത്തി​യ​താ​യി റി​പ്പോ​ർ​ട്ട് കോ​ട​തി​യി​ൽ ന​ൽ​കി.

18ന് ​ക​സ്റ്റ​ഡി​യി​ലെ​ടു​ത്ത​വ​രെ​യാ​ണ് കേ​സ് ര​ജി​സ്റ്റ​ർ ചെ​യ്യാ​തെ ക​സ്റ്റ​ഡി​യി​ൽ സൂ​ക്ഷി​ച്ചി​രി​ക്കു​ന്ന​തെ​ന്നും ഇ​തു നി​യ​മ വി​രു​ദ്ധ​മാ​ണെ​ന്നും ക​മീ​ഷ​നാ​യ സ​രു​ണ്‍ രാ​ധാ​കൃ​ഷ്ണ​ൻ പ​റ​ഞ്ഞു. അ​തേ​സ​മ​യം പി​ടി​യി​ലാ​യ പ്ര​തി​ക​ൾ വേ​റെ​യും കേ​സി​ലെ പ്ര​തി​ക​ളാ​ണെ​ന്നും അ​തു​സം​ബ​ന്ധി​ച്ചു​ള്ള അ​ന്വേ​ഷ​ണം ന​ട​ക്കു​ന്നു​വെ​ന്നും നി​യ​മ​വ്യ​വ​സ്ഥ​പാ​ലി​ക്കാ​നു​ള്ള സ്വാ​ഭാ​വി​ക ന​ട​പ​ടി​ക​ൾ മാ​ത്ര​മാ​ണ് സ്വീ​ക​രി​ച്ചി​ട്ടു​ള്ള​തെ​ന്നും ഇ​ക്കാ​ര്യ​ങ്ങ​ൾ കോ​ട​തി​യെ ബോ​ധ്യ​പ്പെ​ടു​ത്തു​മെ​ന്നും ചേ​ർ​ത്ത​ല പോ​ലീ​സ് ഇ​ൻ​സ്പ​ക്ട​ർ പി.​ശ്രീ​കു​മാ​ർ പ​റ​ഞ്ഞു.