സ്‌കൂട്ടറിൽ അമിതവേഗതയിൽ വന്ന രണ്ട് മോഷ്ടാക്കളെ ഒറ്റ കിക്കിലൂടെ പിടികൂടി ഡൽഹിയിലെ ഒരു പോലീസുകാരൻ. തിങ്കളാഴ്ച വൈകീട്ട് മോഡൽ ടൗൺ മാർക്കറ്റ് പരിസരത്ത് വെച്ച് ഇരുവരും പേഴ്‌സ് തട്ടിയെടുത്ത ശേഷം അമിതവേഗതയിൽ പോകുമ്പോഴാണ് സംഭവം നടന്നതെന്ന് പോലീസ് പറഞ്ഞു.
ഡൽഹി പോലീസിന്‍റെ കമ്മ്യൂണിക്കേഷൻസ് വിംഗിലെ അസിസ്റ്റന്‍റ് സബ് ഇൻസ്പെക്ടറായ അജയ് ഝാ സംഭവസമയത്ത് മോഡൽ ടൗൺ മാർക്കറ്റിലെ ഒരു കടയിൽ പലചരക്ക് സാധനങ്ങൾ വാങ്ങുകയായിരുന്നു.
ആളുകൾ നിലവിളിക്കുന്നത് കേട്ട അജയ് ഝാ ഓടിയെത്തി. അളുകളൾ ഒരു സ്കൂട്ടറിന് പിന്നാലെ ഓടുന്നതും കണ്ടു.
തിരക്കേറിയ മാർക്കറ്റിൽ രണ്ട് പേർ അമിതവേഗതയിൽ ഓടുകയായിരുന്നു. ഇരുവരെയും തടയാനുള്ള പോലീസിന്‍റെ ധീരമായ ശ്രമം പ്രദേശത്തെ സിസിടിവി കാമറയിൽ പതിഞ്ഞിട്ടുണ്ട്.
തുടർന്ന് പോലീസുകാരൻ വാഹനം കാണുകയും തന്‍റെ എല്ലാ ശക്തിയും ഉപയോഗിച്ച് ചവിട്ടുകയും ചെയ്തു. തുടർന്ന് ഓടിയെത്തിയ ആളുകൾ മഹേഷ്, സിക്കന്ദ്ര എന്നീ രണ്ട് മോഷ്ടാക്കളെ പിടികൂടി.
