അന്തിക്കാട്: യുവതിക്ക് അശ്ലീല വീഡിയോ അയച്ച പോലീസുകാരനെ സസ്പെൻഡ് ചെയ്തു.
അന്തിക്കാട് പോലീസ് സ്റ്റേഷന്‍റെ കീഴിലുള്ള പെരിങ്ങോട്ടുകര പോലീസ് ഒൗട്ട് പോസ്റ്റിലെ ഡ്രൈവർ കൊടുങ്ങല്ലൂർ സ്വദേശി ജോസഫ് ക്ലീറ്റസിനെയാണ് ജില്ലാ പോലീസ് മേധാവി ഐശ്വര്യ ദോഗ്ര സസ്പെന്‍ഡ് ചെയ്തത്.
വാഹന ചെക്കിംഗിനിടെ ചാഴൂർ സ്വദേശിയായ യുവതിയുടെ മൊബൈൽ നന്പർ ചോദിച്ചു വാങ്ങി ഫോണിൽ വിളിച്ച് ശല്യം ചെയ്യുകയും സന്ദേശങ്ങൾ അയക്കുകയും ഒപ്പം അശ്ലീല വീഡിയോ അയച്ചു എന്നാണ് യുവതിയുടെ പരാതി.
അന്തിക്കാട് ഐഎസ്എച്ച്ഒ പി.കെ. ദാസ് നടത്തിയ അന്വേഷണത്തിൽ യുവതിയുടെ പരാതി സത്യമാണെന്നു കണ്ടെത്തി എസ്പിക്ക് റിപ്പോർട്ട് നൽകി.
തുടർന്നാണ് പോലീസുകാരനെ സർവീസിൽ നിന്ന് സസ്പെൻഡ് ചെയ്തത്. ജോലി ചെയ്ത വിവിധ സ്റ്റേഷനുകളിൽ സാന്പത്തിക തട്ടിപ്പുകൾ നടത്തിയതിന് ഇയാൾക്ക് പലവട്ടം നടപടികൾ നേരിടേണ്ടി വന്നിട്ടുണ്ട്.
