ഇരിങ്ങാലക്കുട: വിജയത്തെക്കുറിച്ച് ഇത്തവണ തനിക്ക് ആശങ്കയില്ലെന്നു വോട്ട് രേഖപ്പെടുത്തി പുറത്തിറങ്ങിയ ശേഷം ചാലക്കുടി ലോകസഭാ എൽഡിഎഫ് സ്ഥാനാർഥി ഇന്നസെന്‍റ് പറഞ്ഞു. കഴിഞ്ഞ തവണ ആദ്യമായി തെരഞ്ഞെടുപ്പിനെ നേരിട്ടപ്പോൾ, തന്‍റെ പ്രചരണ പരിപാടികൾ കാണാൻ എത്തിയ ആൾക്കൂട്ടമൊക്കെ വോട്ടായി മാറുമോ എന്ന ആശങ്കയുണ്ടായിരുന്നു.
എന്നാൽ താൻ നടപ്പിലാക്കിയ വികസന പ്രവർത്തനങ്ങൾ ജനം അംഗീകരിച്ചതായിട്ടാണ് മനസിലാകുന്നതെന്നും ഇന്നസെന്‍റ് പറഞ്ഞു. രാഷ്ട്രീയത്തെക്കാൾ വലുത് മനുഷ്യനാണെന്നും രാഷ്ട്രീയം രോഗമായി കൊണ്ടു നടക്കാൻ പാടില്ലെന്നും ഇന്നസെന്‍റ് പറഞ്ഞു.
