പത്തനാപുരം:രസം കൊല്ലിയായി എത്തിയായ മഴയിലും ആവേശംകെടാതെ കിഴക്കന്‍ മേഖലയിലെ പോളിംഗ്.രാവിലെ തന്നെ മിക്കബൂത്തുകളിലും വോട്ടര്‍മാരുടെ നീണ്ടനിര ദൃശ്യമായിരുന്നു.പോളിംഗ് മെഷീന്‍റെ ഭാഗമായ വി വി പാറ്റ് പണിമുടക്കിയതാണ് പലരേയും വലച്ചത്.പല ബൂത്തുകളിലും പോളിംഗ് ആരംഭിച്ചത് എട്ട് മണിക്കാണ്.
പത്തനാപുരം മഞ്ചള്ളൂരിലെ എന്‍ എസ് എസ് കരയോഗമന്ദിരത്തിലെ 26ാാം നമ്പര്‍ ബൂത്ത്,കുണ്ടയം എല്‍പിഎസ്,കുണ്ടയം ഗ്രന്ഥശാല, പിറവന്തൂര്‍ പഞ്ചായത്തിലെ ചേകം എല്‍പിഎസ്,തലവൂര്‍ പഞ്ചായത്തിലെ പിടവൂര്‍ എല്‍പിഎസ്,വിളക്കുടി പഞ്ചായത്തിലെ 117,121ബൂത്തുകളിലും വിവി പാറ്റ് മെഷീന്‍ തകരാറിലായതിനെ തുടര്‍ന്ന് ഒരു മണിക്കൂറോളം വൈകിയാണ് പോളിംഗ് ആരംഭിച്ചത്. .റിട്ടേണിംഗ് ഓഫീസർമാരും പ്രീസൈഡിംഗ് ഓഫീസറുമാരും എത്തിയാണ് തകരാർ പരിഹരിച്ചത്.
