മലയാളികളുടെ ഇഷ്ടതാരമാണ് പൊന്നമ്മ ബാബു. ഇപ്പോളിതാ പുതിയ മേക്കോവറിലെത്തി എല്ലാവരെയും ഞെട്ടിച്ചിരിക്കുകയാണ് താരം. തന്റെ മേക്കോവറിനു പിന്നിലെ കാരണവും പൊന്നമ്മ ബാബു വ്യക്തമാക്കുന്നു. പഴയ രീതികളൊക്കെ മാറി അതുകൊണ്ട് സ്വയം ഒന്ന് മാറിയേക്കാം എന്ന് കരുതി എന്നാണ് പൊന്നമ്മ പറയുന്നത്.
പഴയ രീതികളൊക്കെ മാറണമെന്ന് എല്ലാവരും പറയാറുണ്ട്. സിനിമ തന്നെ മാറിയില്ലേ? അതുകൊണ്ട്, സ്വയമൊന്നു മാറിയേക്കാമെന്നു കരുതി. എനിക്കൊരുപാടു മുടിയുണ്ടായിരുന്നു. പക്ഷേ, അതൊന്നും സിനിമയ്ക്കു വേണ്ടി ഉപയോഗിച്ചിട്ടില്ല. അമ്മവേഷങ്ങള്‍ ആകുമ്പോള്‍ എപ്പോഴും മുടി കെട്ടി വയ്ക്കുന്ന രീതിയാകും. സത്യത്തില്‍ എനിക്ക് ഒത്തിരി മുടിയുള്ള കാര്യം ആര്‍ക്കും തന്നെ അറിയില്ല.
വെട്ടിക്കഴിഞ്ഞപ്പോള്‍ എല്ലാവരും ചോദിച്ചു. അപ്പോഴാണ് ഇവരൊക്കെ ഇത് ശ്രദ്ധിച്ചിരുന്നെന്ന് മനസിലായത്. പക്ഷേ, സ്റ്റൈലിഷ് രീതിയിലുള്ള മെയ്ക്കോവര്‍ എല്ലാവര്‍ക്കും ഇഷ്ടമായി. ‘മമ്മിക്ക് ഇതല്‍പം നേരത്തെ ആകാമായിരുന്നില്ലേ’ എന്നാണ് മക്കള്‍ ചോദിച്ചത്.
പിന്നെ, ഇങ്ങനെയൊക്കെ ചെയ്യാന്‍ തോന്നണമല്ലോ! എനിക്ക് ഇപ്പോഴാണ് ആ തോന്നലുണ്ടായത് ഒരു അഭിമുഖത്തിനിടെ പൊന്നമ്മ പറഞ്ഞു.എന്തായാലും താരത്തിന്റെ മേക്കോവര്‍ ഇതിനോടകം സിനിമാലോകത്ത് ചര്‍ച്ചയായിക്കഴിഞ്ഞു.
