ബറോസിന്‍റെ പൂജ ചടങ്ങുകൾക്കു പിന്നാലെ മോഹന്‍ലാല്‍ ഒരുക്കിയ പാര്‍ട്ടിയില്‍ പാ‌ട്ടുമായി പൃഥ്വിരാജ്. സുപ്രിയയാണ് പൃഥ്വിരാജ് പാട്ട് പാടുന്ന വീഡിയോ പങ്കുവച്ചത്.
‘പൊന്‍വീണേ’ എന്ന ഗാനമാണ് പൃഥ്വി ആലപിക്കുന്നത്. എന്‍റെ പ്രിയപ്പെട്ടവന്‍ എന്നാണ് സുപ്രിയ വീഡിയോയ്ക്ക് നല്‍കിയ അടിക്കുറിപ്പ്. വീഡിയോ ഇപ്പോള്‍ സോഷ്യൽ മീഡിയയിൽ വൈറലാണ്.
അതിന് പുറമെ മോഹന്‍ലാലും പൃഥ്വിരാജും ഒരുമിച്ചുള്ള ചിത്രവും സുപ്രിയ പങ്കുവച്ചിട്ടുണ്ട്.
ഇവര്‍ രണ്ട് പേരും എപ്പോഴും സംസാരിക്കുന്നത് സിനിമയെ കുറിച്ചാണെന്നായിരുന്നു സുപ്രിയയും അടിക്കുറിപ്പ്.
ബറോസില്‍ പൃഥ്വിരാജും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഇന്നലെ കഴിഞ്ഞ ദിവസം കൊച്ചിയില്‍ വച്ചായിരുന്നു ബറോസിന്‍റെ പൂജ. നിരവധി താരങ്ങളാണ് ചടങ്ങിൽ സന്നിഹിതരായിരുന്നത്.
