വിമാന യാത്രയ്ക്കിടെ ദുരനുഭവം ഉണ്ടായെന്ന് വെളിപ്പെടുത്തി നടി പൂജ ഹെഗ്ഡെ രഗത്ത്.
വിമാനത്തിലെ ജീവനക്കാരന് തന്നോടു മോശമായി പെരുമാറി എന്നാണ് പൂജയുടെ ആരോപണം.
ഇന്‍ഡിഗോ വിമാനത്തിലെ ജീവനക്കാരനെതിരേയാണ് നടി രംഗത്ത് എത്തിയിട്ടുള്ളത്. ട്വിറ്ററിലൂടെയാണ് താൻ നേരിട്ട ദുരനുഭവം പൂജ വെളിപ്പെടുത്തിയത്.
വിമാനത്തിലെ ജീവനക്കാരന്‍റെ പേര് സഹിതമാണ് സംഭവം പൂജ ഹെഗ്ഡെയുടെ വെളിപ്പെടുത്തൽ.
മുംബൈയില്‍ നിന്ന് പുറപ്പെടുന്ന വിമാനത്തില്‍ വച്ചാണ് തനിക്ക് മോശം അനുഭവം ഉണ്ടായതെന്ന് പൂജ പറഞ്ഞു.
വിപുല്‍ നകാഷെ എന്ന ജീവനക്കാരന് എതിരെയാണ് പൂജ ആരോപണം ഉന്നയിച്ചിരിക്കുന്നത്.
പൂജയുടെ ട്വീറ്റിന് പിന്നാലെ പ്രതികരണവുമായി ഇന്‍ഡിഗോ രംഗത്തെത്തി. പൂജ ഹെഗ്ഡെയ്ക്കുണ്ടായ മോശം അനുഭവത്തില്‍ ഖേദിക്കുന്നുവെന്ന് ഇന്‍ഡിഗോ അധികൃതര്‍ അറിയിച്ചു.
പൂജ ഹെഗ്ഡെയുടെ വെളിപ്പെടുത്തൽ ഇങ്ങനെ… മുംബൈയില്‍ നിന്ന് പുറപ്പെടുന്ന വിമാനത്തില്‍വ ച്ചു വിപുല്‍ നകാഷെ എന്ന ഇന്‍ഡിഗോ ജീവനക്കാരന് ഞങ്ങളോട് അപമര്യാദയായി പെരുമാറിയതില്‍ അങ്ങേയറ്റം ഖേദമുണ്ട്.
ഒരു കാരണവുമില്ലാതെ ഞങ്ങളോട് തികച്ചും അഹങ്കാരത്തോടെയും അവഗണനയോടെയും ഭീഷണിപ്പെടുത്തുന്ന സ്വരത്തിലുമാണ് പെരുമാറിയത്. ഇത് ശരിക്കും ഭയാനകമായിരുന്നു- പൂജ പറഞ്ഞു.
പൂജയ്ക്കുണ്ടായ അനുഭവം ശ്രദ്ധയില്‍ പെട്ടിട്ടുണ്ടെന്നും താങ്കളുമായി ഉടനടി ബന്ധപ്പെടാന്‍ തങ്ങള്‍ ആഗ്രഹിക്കുന്നുവെന്നും പിഎആറും ഫോണ്‍ നമ്പറും സഹിതം ഞങ്ങള്‍ക്കുടന്‍ സന്ദേശം അയക്കണമെന്നും ഇന്‍ഡിഗോ അധികൃതർ മറുപടി നല്‍കുകയും ചെയ്തു.
