ബാബു ആന്‍റണിയെ നായകനാക്കി ഒമർ ലുലു സംവിധാനം ചെയ്യുന്ന ചിത്രമാണ് പവർ സ്റ്റാർ. ധമാക്ക എന്ന ചിത്രത്തിന്‍റെ റിലീസിനുശേഷം പവർസ്റ്റാർ ആരംഭിക്കും. സിനിമയുമായി ബന്ധപ്പെട്ട് ഒരു ചിത്രം ഒമർ ലുലു ഫേസ്ബുക്കിൽ പോസ്റ്റ് ചെയ്തിരുന്നു.
ബാബു ആന്‍റണിക്കൊപ്പമുള്ള തന്‍റെ ചിത്രമാണ് ഒമർ ലുലു പോസ്റ്റ് ചെയ്തത്. എന്നാൽ ചിത്രത്തിന് ഒരാൾ ഇട്ട കമന്‍റും അതിന് ഒമർ ലുലു നൽകിയ മറുപടിയും ഇപ്പോൾ സോഷ്യൽ മീഡിയിയുടെ ശ്രദ്ധയാകർഷിച്ചിരിക്കുകയാണ്. ഫീൽഡ് ഔട്ട് ആക്കാനുള്ള അടുത്ത ആൾ റെഡി എന്നാണ് ഒരാൾ ബാബു ആന്‍റണിയെ ട്രോളിക്കൊണ്ട് കമന്‍റ് ഇട്ടത്.
എന്നാൽ ഉരുളയ്ക്കുപ്പേരി പോലുള്ള മറുപടിയാണ് ഒമർ ലുലു നൽകിയത്. “അതിനു ഞാൻ ഫീൽഡിലുള്ള ഏതു നായകനെ വച്ചിട്ടാ മോനൂസെ പടം ചെയ്തിട്ടുള്ളത്’- എന്നാണ് ഒമർ ലുലു മറുപടി പറഞ്ഞത്. പവർസ്റ്റാർ എന്ന ചിത്രത്തിൽ പ്രിയ വാര്യർ ഉണ്ടോയെന്നാണ് മറ്റൊരാൾ ചോദിച്ചത്. ഇല്ല എന്നാണ് ഒമർലുലു മറുപടി നൽകിയത്.
