2019 ആവർത്തിക്കും: കൃ​ത്യ​മാ​യ കാ​ലാ​വ​സ്ഥാ പ്ര​വ​ച​ന​ങ്ങ​ൾ വ​ഴി സ​മൂ​ഹ​മാ​ധ്യ​മ​ങ്ങ​ളി​ൽ ശ്ര​ദ്ധേ​യ​നാ​യ ത​മി​ഴ്നാ​ട് വെ​ത​ർ​മാ​ൻ നൽകുന്ന മുന്നറിയിപ്പ് ഇങ്ങനെ…

തി​രു​വ​ന​ന്ത​പു​രം: കൃ​ത്യ​മാ​യ കാ​ലാ​വ​സ്ഥാ പ്ര​വ​ച​ന​ങ്ങ​ൾ വ​ഴി സ​മൂ​ഹ​മാ​ധ്യ​മ​ങ്ങ​ളി​ൽ ശ്ര​ദ്ധേ​യ​നാ​യ സ്വ​കാ​ര്യ കാ​ലാ​വ​സ്ഥാ നി​രീ​ക്ഷ​ക​ൻ ത​മി​ഴ്നാ​ട് വെ​ത​ർ​മാ​ൻ കേ​ര​ള​ത്തി​ന് മു​ന്ന​റി​യി​പ്പു​മാ​യി രം​ഗ​ത്ത്.

ക​ഴി​ഞ്ഞ ര​ണ്ടു വ​ർ​ഷ​ങ്ങ​ളി​ൽ സം​ഭ​വി​ച്ച​തു​പോ​ലെ ഈ ​മാ​സം ശ​രാ​ശ​രി​ക്കും മു​ക​ളി​ൽ കേ​ര​ള​ത്തി​ൽ മ​ഴ​യു​ണ്ടാ​കു​മെ​ന്നാ​ണ് ത​മി​ഴ്നാ​ട് വെ​ത​ർ​മാ​ൻ എ​ന്ന പേ​രി​ൽ അ​റി​യ​പ്പെ​ടു​ന്ന പ്ര​ദീ​പ് ജോ​ൺ മു​ന്ന​റി​യി​പ്പ് ന​ൽ​കു​ന്ന​ത്.

മാ​ത്ര​മ​ല്ല ഇ​ന്നു മു​ത​ൽ ഇ​ടു​ക്കി, വ​യ​നാ​ട്, മ​ല​പ്പു​റം, പാ​ല​ക്കാ​ട്, തൃ​ശൂ​ർ, എ​റ​ണാ​കു​ളം, ക​ണ്ണൂ​ർ, കാ​സ​ർ​ഗോ​ഡ്, കോ​ഴി​ക്കോ​ട് ജി​ല്ല​ക​ളി​ൽ ജാ​ഗ്ര​ത വേ​ണ​മെ​ന്നും അ​ദ്ദേ​ഹം പ​റ​യു​ന്നു. ആ​ഗ​സ്റ്റ് അ​ഞ്ച് മു​ത​ൽ എ​ട്ട് വ​രെ​യു​ള്ള നാ​ല് ദി​വ​സം ഈ ​ജി​ല്ല​ക​ൾ അ​തീ​വ ജാ​ഗ്ര​ത പു​ല​ർ​ത്ത​ണം.

കേ​ര​ള​വും ത​മി​ഴ്നാ​ടും അ​തി​രി​ടു​ന്ന പ​ശ്ചി​മ​ഘ​ട്ട മേ​ഖ​ല​യി​ൽ അ​തി​ശ​ക്ത​മാ​യ മ​ഴ ഉ​ണ്ടാ​കും. ഡാ​മു​ക​ൾ വേ​ഗം നി​റ​യു​ന്ന അ​വ​സ്ഥ വ​രും. മ​ണ്ണി​ടി​ച്ചി​ലും ഉ​രു​ൾ​പൊ​ട്ട​ലും ഉ​ണ്ടാ​കാ​നു​ള്ള സാ​ധ്യ​ത​യു​ണ്ട്.

കേ​ര​ളം, ക​ർ​ണാ​ട​ക, ത​മി​ഴ്നാ​ട് എ​ന്നീ മൂ​ന്ന് സം​സ്ഥാ​ന​ങ്ങ​ൾ ജാ​ഗ്ര​ത പാ​ലി​ക്ക​ണം. നി​ല​മ്പൂ​ർ, പീ​രു​മേ​ട്, തൊ​ടു​പു​ഴ, പൊ​ന്മു​ടി, കു​റ്റ്യാ​ടി, ക​ക്ക​യം, ത​രി​യോ​ട്, വൈ​ത്തി​രി, പ​ടി​ഞ്ഞാ​റെ​ത്ത​റ, ക​ക്കി ഡാം, ​പെ​രി​ങ്ങ​ൽ​ക്കൂ​ത്ത് ഡാം, ​ലോ​വ​ർ ഷോ​ള​യാ​ർ, നേ​ര്യ​മം​ഗ​ലം, പി​റ​വം എ​ന്നി​വി​ട​ങ്ങ​ളി​ൽ പ്ര​ത്യേ​ക ശ്ര​ദ്ധ വേ​ണ​മെ​ന്നും ത​മി​ഴ്നാ​ട് വെ​ത​ർ​മാ​ൻ അ​റി​യി​ച്ചു.

ക​ഴി​ഞ്ഞ വ​ർ​ഷം ഓ​ഗ​സ്റ്റി​ൽ ഉ​ണ്ടാ​യ അ​തേ സാ​ഹ​ച​ര്യ​ത്തി​ലേ​ക്കാ​ണ് ഇ​ത്ത​വ​ണ​യും സം​സ്ഥാ​നം ക​ട​ക്കു​ന്ന​ത്. ആ​ഗ​സ്റ്റ് ഇ​രു​പ​ത് വ​രെ​യു​ള്ള ദി​വ​സ​ങ്ങ​ളി​ൽ ബം​ഗാ​ൾ ഉ​ൾ​ക്ക​ട​ലി​ൽ തു​ട​ർ​ച്ച​യാ​യി ന്യൂ​ന​മ​ർ​ദ്ദം രൂ​പ​പ്പെ​ടാ​നാ​ണ് സാ​ധ്യ​ത. ഇ​തി​നാ​ൽ കേ​ര​ള​ത്തി​ലും ത​മി​ഴ്നാ​ട്ടി​ലും മ​ഴ ശ​ക്തി​യാ​ർ​ജി​ക്കും- പ്ര​ദീ​പ് ജോ​ൺ സ​മൂ​ഹ​മാ​ധ്യ​മ​ങ്ങ​ൾ വ​ഴി അ​റി​യി​ച്ചു.