ഭ​ക്ഷ​ണം പാ​കംചെ​യ്യാ​ൻ സൗ​ക​ര്യ​മി​ല്ല ; സ​ർ​ക്കാ​ർ ഭ​ക്ഷ​ണ വി​ത​ര​ണ​കേ​ന്ദ്ര​ത്തെ ആ​ശ്ര​യി​ച്ച് കൈ​ന​ക​രി​യി​ലെ 3255 കു​ടും​ബ​ങ്ങ​ൾ

ആ​ല​പ്പു​ഴ: പ്ര​ള​യ​ക്കെ​ടു​തി​ക​ളി​ൽ നി​ന്നും സം​സ്ഥാ​ന​ത്തി​ന്‍റെ ഭൂ​രി​ഭാ​ഗം പ്ര​ദേ​ശ​ങ്ങ​ളും മോ​ച​നം നേ​ടു​ന്പോ​ഴും ദു​രി​ത​ങ്ങ​ൾ​ക്ക​റു​തി​യി​ല്ലാ​തെ കു​ട്ട​നാ​ട്ടി​ലെ കൈ​ന​ക​രി നി​വാ​സി​ക​ൾ. കു​ട്ട​നാ​ട്ടി​ലെ ഭൂ​രി​ഭാ​ഗം പ്ര​ദേ​ശ​ങ്ങ​ളി​ലെ​യും വീ​ടു​ക​ളി​ൽ നി​ന്ന് ജ​ല​നി​ര​പ്പ് താ​ഴ്ന്നെ​ങ്കി​ലും കൈ​ന​ക​രി നി​വാ​സി​ക​ൾ​ക്ക് ഇ​ന്നും സ്വ​ന്തം വീ​ട്ടി​ൽ അ​ന്തി​യു​റ​ങ്ങു​ക​യെ​ന്ന​ത് സ്വ​പ്ന​മാ​യി അ​വ​ശേ​ഷി​ക്കു​ക​യാ​ണ്.

മ​ട​വീ​ണ പാ​ട​ശേ​ഖ​ര​ങ്ങ​ളി​ലെ വെ​ള്ളം വി​ദേ​ശ​ത്തു​നി​ന്നും കൊ​ണ്ടു​വ​ന്ന മോ​ട്ട​റു​ക​ള​ട​ക്കം ഉ​പ​യോ​ഗി​ച്ച് രാ​പ്പ​ക​ലി​ല്ലാ​തെ വ​റ്റി​ക്കു​ന്ന ന​ട​പ​ടി​ക​ൾ പു​രോ​ഗ​മി​ച്ച​തോ​ടെ ജ​ല​നി​ര​പ്പ് കു​റ​യു​ന്നു​ണ്ടെ​ങ്കി​ലും പ്ര​ദേ​ശ​ത്തെ വീ​ടു​ക​ളി​ൽ പാ​ച​ക​ത്തി​ന​ട​ക്ക​മു​ള്ള സൗ​ക​ര്യ​ങ്ങ​ൾ ഇ​പ്പോ​ഴു​മാ​യി​ട്ടി​ല്ല.

കൈ​ന​ക​രി​യി​ലെ ര​ണ്ട് വി​ല്ലേ​ജ് ഓ​ഫീ​സു​ക​ളു​ടെ പ​രി​ധി​യി​ൽ​പ്പെ​ടു​ന്ന 3255 കു​ടും​ബ​ങ്ങ​ൾ ഭ​ക്ഷ​ണ​ത്തി​നാ​യി സ​ർ​ക്കാ​ർ ആ​രം​ഭി​ച്ച 159 ഭ​ക്ഷ​ണ വി​ത​ര​ണ കേ​ന്ദ്ര​ങ്ങ​ളെ​യാ​ണ് ആ​ശ്ര​യി​ക്കു​ന്ന​ത്. കു​ട്ട​നാ​ടി​ന് പു​റ​ത്ത് പ്ര​വ​ർ​ത്തി​ച്ചി​രു​ന്ന ദു​രി​താ​ശ്വാ​സ ക്യാ​ന്പു​ക​ളി​ൽ ക​ഴി​യു​ന്ന​വ​രെ കു​ട്ട​നാ​ട്ടി​ൽ ദു​രി​താ​ശ്വാ​സ കേ​ന്ദ്ര​ങ്ങ​ൾ തു​റ​ന്ന് തി​രി​കെ എ​ത്തി​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ച്ച​തി​ന്‍റെ ഭാ​ഗ​മാ​യി​ട്ടാ​ണ് ഭ​ക്ഷ​ണ വി​ത​ര​ണ കേ​ന്ദ്ര​ങ്ങ​ൾ ക​ഴി​ഞ്ഞ അ​ഞ്ചു​മു​ത​ൽ ആ​രം​ഭി​ച്ച​ത്.

13530 പേ​ർ ഈ ​ഭ​ക്ഷ​ണ വി​ത​ര​ണ കേ​ന്ദ്ര​ങ്ങ​ളെ ആ​ശ്ര​യി​ക്കു​ന്ന​താ​യാ​ണ് റ​വ​ന്യു വ​കു​പ്പി​ന്‍റെ ക​ണ​ക്ക്. നാ​ട്ടി​ലേ​ക്ക് മ​ട​ങ്ങി​യെ​ത്തി​യ​വ​ർ ശു​ചീ​ക​ര​ണം ന​ട​ത്താ​ൻ ത​യാ​റാ​ണെ​ങ്കി​ലും വെ​ള്ള​മി​റ​ങ്ങാ​ത്ത​തി​നാ​ൽ സാ​ധ്യ​ത​മ​ല്ലാ​ത്ത അ​വ​സ്ഥ​യാ​ണ്. പ​ല​രും കു​ട്ട​നാ​ട്ടി​ലെ ത​ന്നെ വെ​ള്ള​മി​റ​ങ്ങി​യ പ്ര​ദേ​ശ​ങ്ങ​ളി​ലെ ബ​ന്ധു​വീ​ടു​ക​ളെ​യും മ​റ്റു​മാ​ശ്ര​യി​ച്ചാ​ണ് ക​ഴി​യു​ന്ന​ത്.