തൃശൂർ: പ്രളയത്തിൽ വൻനാശം നേരിട്ട വ്യവസായി ഇൻഷ്വറൻസ് തുക കിട്ടാൻ ഇൻഷ്വറൻസ് കന്പനി ഓഫീസിൽ നാളെ സത്യഗ്രഹ സമരം ആരംഭിക്കുന്നു. വാടാനപ്പള്ളി തൃത്തല്ലൂരിലെ അൽ മലബാർ കോക്കനട്ട് പ്രോഡക്ട്സ് പ്രൈവറ്റ് ലിമിറ്റഡിന്‍റെ ഡയറക്ടർ കെ.വി. മോഹനനാണ് സമരം തുടങ്ങുന്നത്. “തെങ്ങിന്‍റെ വക്കീൽ’ എന്നറിയപ്പെടുന്ന മോഹനൻ നാലര കോടി രൂപയ്ക്കാണു കന്പനിയിലെ യന്ത്രോപകരണങ്ങളും സ്റ്റോക്കും ഇൻഷ്വർ ചെയ്തിരുന്നത്.
പ്രളയത്തിനു തൊട്ടടുത്ത ദിവസംതന്നെ ഇൻഷ്വറൻസ് കന്പനിയായ ബജാജ് അലയൻസിൽ ക്ലെയിമിനായി അപേക്ഷ നൽകി. ആഴ്ചതോറും പരിശോധനകളും നടത്തിക്കലും മാത്രമല്ലാതെ പണം നല്കാൻ നടപടിയുണ്ടായില്ലെന്നു മോഹനൻ വാർത്താസമ്മേളനത്തിൽ ആരോപിച്ചു. മൊറട്ടോറിയം പ്രഖ്യാപിച്ചെന്നു സർക്കാർ പ്രഖ്യാപിച്ചെങ്കിലും കനറാ ബാങ്കും ദ്രോഹ നടപടികളാണ് സ്വീകരിച്ചതെന്നു മോഹനൻ പറഞ്ഞു.
