കൊല്ലം: പ്രാമാണിത്തവാദം ശക്തിപ്പെടുമ്പോഴാണ് കലാലയങ്ങളില്‍ വര്‍ഗീയ-വിധ്വംസക സംഘടനകള്‍ ശക്തിപ്പെടുന്നതെന്ന് അഡ്വ. എ ജയശങ്കര്‍ അഭിപ്രായപ്പെട്ടു. വിദ്യാര്‍ത്ഥി സംഘടനകള്‍ക്ക് ദിശാബോധം നഷ്ടപ്പെടരുത്. ദരിദ്രന്‍റെ മക്കള്‍ പഠിക്കുന്ന കലാലയങ്ങളില്‍ മാത്രമേ സമരം നടക്കുകയുള്ളുവെന്ന അവസ്ഥ മാറണമെന്നും ജയശങ്കര്‍ പറഞ്ഞു.
ജില്ലയിലെ എഐഎസ്എഫ് പ്രവര്‍ത്തകരുടെ കൂട്ടായ്മയായ ‘ഇസ്‌ക്ര’ സംഘടിപ്പിച്ച ‘അക്രമരഹിത കലാലയം-പഠനത്തോടൊപ്പം ആശയസമരവും പോരാട്ടവും’ എന്ന വിഷയം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ഷാനിമോള്‍ ഉസ്മാന്‍ ,ഡോ. പി കെ ഗോപന്‍ , അഡ്വ ആര്‍ വിജയകുമാര്‍ ടി കെ വിനോദന്‍ ,സി ബി ഗോപകുമാര്‍, പോണാല്‍ നന്ദകുമാര്‍, മുരുകലാല്‍, അഡ്വ. ബി കെ ജയമോഹന്‍, ജയകുമാര്‍, ഇഗ്നേഷ്യസ് ജി ജോസ്, സോണി വി പള്ളം എന്നിവര്‍ സംബന്ധിച്ചു.
