കോഴിക്കോട്: പ്രണയം നിരസിച്ച യുവതിയെ കൊലപ്പെടുത്താന്‍ പെട്രോളുമായി എത്തിയ യുവാവ് പിടിയില്‍. കുറ്റ്യാടി പാലേരി സ്വദേശി അരുണ്‍ജിത്ത്(24) ആണ് അറസ്റ്റിലായത്.
താമരശേരിയില്‍ ഞായറാഴ്ച രാത്രിയോടെയാണ് സംഭവം. യുവതിയുടെ വീട്ടിലേക്ക് ഇയാള്‍ കയറി വരുന്നത് കണ്ട അമ്മ വാതിലടച്ചു. ഇതോടെ ഇയാള്‍ക്ക് വീട്ടിലേക്ക് കയറാനായില്ല.
വിവരമറിഞ്ഞെത്തിയ നാട്ടുകാര്‍ ഇയാളെ തടഞ്ഞുവെച്ച് പോലീസില്‍ ഏല്‍പ്പിക്കുകയായിരുന്നു. ഇയാള്‍ നേരത്തെയും യുവതിയുടെ വീട്ടില്‍ എത്തിയിട്ടുണ്ടെന്ന് പോലീസ് പറഞ്ഞു.
ഇയാളുടെ കൈയില്‍നിന്ന് ഒരു ലിറ്റര്‍ പെട്രോളും ലൈറ്ററും കണ്ടെടുത്തു.
