സിസേറിയൻ നിരക്ക് കൂടുന്നതിനു പിന്നിൽ…

വ​ന്ധ്യ​താ ചി​കി​ത്സ​​യിലൂടെയുള്ള ഗ​ര്‍​ഭ​ങ്ങൾ
സി​സേ​റി​യ​ന്‍ കൂ​ടു​ന്ന​തി​നു​ള്ള മ​റ്റൊ​രു കാ​ര​ണം അ​ത്യാ​ധു​നി​ക വ​ന്ധ്യ​താ ചി​കി​ത്സ​യി​ലൂ​ടെ​യു​ള്ള ഗ​ര്‍​ഭ​ങ്ങ​ളാ​ണ്. ഐ​വി​എ​ഫ്, ഇ​ക്‌​സി മു​ത​ലാ​യ ചി​കി​ത്സാ സ​മ്പ്ര​ദാ​യ​ങ്ങ​ളി​ലൂ​ടെ​യു​ണ്ടാ​കു​ന്ന ഗ​ര്‍​ഭ​ത്തി​ല്‍ പ​ല​പ്പോ​ഴും ഇ​ര​ട്ട​ക്കു​ട്ടി​ക​ളോ അ​തി​ലും കൂ​ടു​ത​ല്‍ കു​ഞ്ഞു​ങ്ങ​ളോ കാ​ണാ​നു​ള്ള സാ​ദ്ധ്യ​ത​യു​ണ്ട്. മൾട്ടിപ്പിൽ പ്രഗ്നൻസി വി​ഭാ​ഗ​ത്തി​ല്‍​പ്പെ​ടും ഇ​വ (Twins, Triplets, Quadruplets). അ​തു​കൊ​ണ്ട് ത​ന്നെ ഗ​ര്‍​ഭ​ത്തി​ലെ അ​പ​ക​ട​സാ​ധ്യ​ത വ​ര്‍​ധി​ക്കു​ന്നു.

വ​ന്ധ്യ​താചി​കി​ത്സ​യി​ലൂ​ടെ ഗ​ര്‍​ഭം ധ​രി​ക്കു​ന്ന സ്ത്രീ​ക​ള്‍​ക്കും അ​വ​രു​ടെ വീ​ട്ടു​കാ​ര്‍​ക്കും ഡോ​ക്ട​ര്‍​ക്കും പൊ​തു​വേ ആ ​ഗ​ര്‍​ഭാ​വ​സ്ഥ​യെ പ​റ്റി​യു​ള്ള ക​രു​ത​ലും ആ​ശ​ങ്ക​യും കൂ​ടു​ത​ലാ​ണ്. ര​ണ്ടു കു​ഞ്ഞു​ങ്ങ​ളെ കി​ട്ടു​ന്ന​തി​ന്‍റെ സ​ന്തോ​ഷം ഇ​ര​ട്ടി​യാ​കു​ന്ന​തി​നോ​ടൊ​പ്പം ത​ന്നെ ആ​ശ​ങ്ക​ക​ളും ഇ​ര​ട്ടി​യാകു​ന്നു.

അ​തു​കൊ​ണ്ടു​ത​ന്നെ സി​സേ​റി​യ​നി​ലൂ​ടെ കു​ഞ്ഞു​ങ്ങ​ളു​ടെ ആ​രോ​ഗ്യ​വും സു​ര​ക്ഷ​യും ഉ​റ​പ്പാ​ക്കാ​നു​ള്ള വ്യ​ഗ്ര​ത ഡോ​ക്ട​ര്‍​ക്കും രോ​ഗി​ക്കും ഒ​രു​പോ​ലെഉ​ണ്ടാ​വും. ഗ​ര്‍​ഭാ​വ​സ്ഥ​യി​ലെ പ്ര​മേ​ഹം, വി​ള​ര്‍​ച്ച, ര​ക്ത​സ്രാ​വം എ​ന്നി​വ ഇ​ക്കൂ​ട്ട​ര്‍​ക്ക് കൂ​ടു​ത​ലാ​ണ്. അ​തി​നോ​ടൊ​പ്പം ത​ന്നെ കു​ഞ്ഞു​ങ്ങ​ളു​ടെ ഭാ​ര​വും വ​ള​ര്‍​ച്ച​യും കു​റ​വാ​യും കാ​ണു​ന്നു.

ചി​ല പ്ര​ത്യേ​ക വി​ഭാ​ഗം ഇ​ര​ട്ട​ക​ളി​ല്‍ ഒ​രു കു​ഞ്ഞി​ന്‍റെ ശ​രീ​ര​ത്തി​ല്‍ നി​ന്ന് ര​ണ്ടാ​മ​ത്തെ കു​ഞ്ഞി​ന്‍റെ ശ​രീ​ര​ത്തി​ലേ​ക്ക് ര​ക്തം പ്ര​വ​ഹി​ക്കു​ന്ന​താ​യും കാ​ണാം. ഈ ​ഗ​ര്‍​ഭി​ണി​ക​ളി​ല്‍ മാ​സം തി​ക​യു​ന്ന​തി​ന് മു​മ്പേ​യു​ള്ള പ്ര​സ​വ വേ​ദ​ന​യും പ്ര​ശ്‌​ന​മാ​കാ​റു​ണ്ട്. ഇത്തരം സന്ദർഭ ങ്ങളിൽ‍ ആ​രോ​ഗ്യ​മു​ള്ള കു​ഞ്ഞി​നുവേ​ണ്ടി സി​സ്സേ​റി​യ​ന്‍ ചെ​യ്യേ​ണ്ടി വ​രാ​റു​ണ്ട്.

1980ക​ളി​ലി​ല്ലാ​ത്ത വി​ധം വ​ന്ധ്യ​താ ചി​കി​ത്സ വേ​ണ്ടി വ​രു​ന്ന​തി​ന്‍റെ ഒ​രു കാ​ര​ണം ജീ​വി​ത​ശൈ​ലി പ്ര​ശ്‌​ന​ങ്ങ​ള്‍ ത​ന്നെ​യാ​ണ്. അ​മി​ത​വ​ണ്ണ​വും പോ​ളി​സി​സ്റ്റി​ക് ഓ​വ​റി​യും അ​ണ്ഡോ​ത്പാ​ദ​ന പ്ര​ശ്‌​ന​ങ്ങ​ളു​മൊ​ക്കെ സ​ങ്കീ​ര്‍​ണ​മാ​യി കെ​ട്ടുപി​ണ​ഞ്ഞു കി​ട​ക്കു​ന്നു.

ഭയം, ആശങ്കകൾ….
അ​ണു​കു​ടും​ബ​ത്തി​ല്‍ പ​ല​പ്പോ​ഴും അ​ച്ഛ​ന​മ്മ​മാ​രു​ടെ ഒ​രേ ഒ​രു സ​ന്ത​തി​യാ​യി വ​ള​ര്‍​ന്നു വ​രു​ന്ന കു​ട്ടി​ക്ക് കൂ​ട്ടു​കു​ടും​ബ​ത്തി​ല്‍ മ​റ്റു കു​ടും​ബാം​ഗ​ങ്ങ​ളോ​ടൊ​ത്ത് വ​ള​രു​ന്ന കു​ട്ടി​ക​ളു​ടെ മ​നഃ​സാന്നി​ധ്യ​വും പാ​ക​ത​യും കാ​ണാ​റി​ല്ല. പ്ര​സ​വമുറി എ​ന്ന് കേ​ള്‍​ക്കു​മ്പോ​ള്‍ ത​ന്നെ ഭ​യ​ച​കി​ത​രാ​കു​ന്ന പെ​ണ്‍​കു​ട്ടി​ക​ളെ​യാ​ണ് ഞ​ങ്ങ​ള്‍ ക​ണ്ടു​വ​രു​ന്ന​ത്. ഇ​തേ ഭ​യം അ​വ​രു​ടെ അ​മ്മ​മാ​രെ​യും കു​ടും​ബാം​ഗ​ങ്ങ​ളെ​യും ബാ​ധി​ക്കു​ന്നു.

പ്ര​സ​വം എ​ല്ലാ​വ​ര്‍​ക്കും ഒ​രു​പോ​ലെ ആ​ക​ണ​മെ​ന്നി​ല്ല എ​ന്ന​തും ചി​ല​പ്പോ​ള്‍ ചെ​റി​യ വേ​ദ​ന ദി​വ​സ​ങ്ങ​ളോ​ളം ക​ണ്ട​തി​നു​ശേ​ഷ​മാ​യി​രി​ക്കും യ​ഥാ​ര്‍​ഥ പ്ര​സ​വ​വേ​ദ​ന ആ​രം​ഭി​ക്കു​ക എ​ന്ന​തും ഗ​ര്‍​ഭി​ണി​ക​ള്‍ മ​ന​സി​ലാ​ക്ക​ണം. ഡോ​ക്ട​ര്‍​മാ​ര്‍ വി​ചാ​രി​ച്ചാ​ല്‍ പ്ര​സ​വ​ത്തി​ന്‍റെ ദൈ​ര്‍​ഘ്യം കു​റ​യ്ക്കാ​ന്‍ സാ​ധി​ച്ചെ​ന്നു വ​രി​ല്ല.

ക്ഷ​മ​യോ​ടെ കാ​ത്തി​രി​ക്കു​ക എ​ന്ന​താ​ണ് ന​ല്ല തീ​രു​മാ​നം. പ്ര​സ​വ​മു​റി​യി​ല്‍ ഗ​ര്‍​ഭി​ണി​യും ബ​ന്ധു​ക്ക​ളും കാ​ണി​ക്കു​ന്ന ആ​ശ​ങ്ക ഒ​രു പ​രി​ധി​വ​രെ സാം​ക്ര​മി​ക​മാ​ണ്. അ​ത് പ​തു​ക്കെ ഡോ​ക്ട​ര്‍​മാ​രി​ലേ​ക്കും പ​ക​രും. പ​രി​ണി​തഫ​ലം ഒ​രു സി​സേ​റി​യ​ന്‍ ആ​യി​രി​ക്കും.

(തുടരും)
വി​വ​ര​ങ്ങ​ൾ​ക്കു ക​ട​പ്പാ​ട്:

ഡോ. ​ലക്ഷ്മി അമ്മാൾ

ക​ൺ​സ​ൾ​ട്ടന്‍റ് ഗൈനക്കോളജിസ്റ്റ്,
എസ് യുറ്റി ഹോ​സ്പി​റ്റ​ൽ പ​ട്ടം, തി​രു​വ​ന​ന്ത​പു​രം