പ്രിയാ വാര്യർ പ്രധാനവേഷത്തിലെത്തുന്ന അഡാർ ലൗവിലെ ഗാനത്തിന് ഡിസ്‌ലൈക്ക് പെരുമഴയാണ് ലഭിച്ചത്. അതോടൊപ്പം തന്നെ സോഷ്യൽമീഡിയയിൽ പ്രത്യക്ഷപ്പെട്ട ട്രോളുകളിലും പ്രിയ വാര്യരായിരുന്നു പ്രധാനതാരവും. ഇപ്പോഴിത പ്രിയ വാര്യർ അഭിനയിച്ച ഒരു പരസ്യം പരിഹാസ കമന്റുകൾകൊണ്ട് നിറയുകയാണ്.
തെലുങ്കിലെ യുവതാരം അഖിൽ അക്കിനേനിക്കൊപ്പമാണ് പ്രിയ സൗത്ത് ഇന്ത്യ ഷോപ്പിംഗ് മാളിന്‍റെ പരസ്യത്തിൽ പ്രത്യക്ഷപ്പെട്ടത്. എന്നാൽ ഈ പരസ്യം ട്രോളിന്റെയും പരിഹാസ കമന്‍റുകളുടെയും പ്രളയമാണ്. ഇതിനു മുമ്പ് പ്രിയ അഭിനയിച്ച മഞ്ചിന്‍റെ പരസ്യം പുറത്തുവിട്ടപ്പോഴും എവിടെയും പരിഹാസമഴയായിരുന്നു.
ഒമർലുലു ചിത്രമായ അഡാർ ലൗവിലെ ആദ്യ ഗാനം പുറത്തുവിട്ടപ്പോൾ തന്നെ പ്രിയയെ തേടി ട്രോൾ പെരുമഴയായിരുന്നു. അടുത്തിടെ പുറത്തുവിട്ട ചിത്രത്തിലെ ഗാനം കണ്ട കൂടുതലാളുകളുടെയും വിരലുകൾ ഡിസ്‌ലൈക്ക് ബട്ടണിലേക്ക് നീണ്ടുവെങ്കിലും ഇതെല്ലാം പ്രിയയുടെ പ്രശസ്തി പതിന്മടങ്ങ് വർദ്ധിപ്പിക്കുകയെ ചെയ്തിരുന്നുള്ളു.
