പ്രിയ വാര്യരെ കൂടാതെ മലയാളികള്‍ക്ക് എന്തു ട്രോളുകള്‍. സ്വന്തം നാട്ടില്‍ നിന്ന് ഒരാള്‍ പെട്ടെന്ന് പ്രശസ്തിയാര്‍ജ്ജിച്ചാല്‍ അത് അത്ര സുഖിക്കുന്ന സ്വഭാവം മലയാളികള്‍ക്കില്ലയെന്നത് പരസ്യമായ രഹസ്യമാണ്. മാത്രവുമല്ല പ്രശസ്തിയാര്‍ജ്ജിക്കുന്ന ആള്‍ വല്ല മണ്ടത്തരവും കാട്ടിയാല്‍ പറയാനുമില്ല. ഒമര്‍ ലുലുവിന്റെ അഡാര്‍ലവ് എന്ന ചിത്രത്തിലെ കണ്ണിറുക്കലിലൂടെ ലോകപ്രശസ്തയായതിനൊപ്പമാണ് പ്രിയ വാര്യര്‍ ട്രോളന്മാരുടെയും ഇഷ്ടതാരമായി മാറിയത്.
പ്രിയയുടെ ചില തുറന്നു പറച്ചിലുകളും അഭിനയിച്ച സിനിമകളും പരസ്യങ്ങളുമെല്ലാം ട്രോളിന് പാത്രമായിട്ടുണ്ട്. ഇപ്പോഴിതാ ഒട്ടകത്തെ തട്ടിക്കോ എന്ന പാട്ടിന് നൃത്തം ചെയ്യുന്ന പ്രിയയുടെ വീഡിയോയാണ് സമൂഹമാധ്യമങ്ങളില്‍ വൈറലായിരിക്കുന്നത്. ധാരാളം ആളുകള്‍ പ്രിയയുടെ ഡാന്‍സിനെ ട്രോളി രംഗത്ത് വന്നു. ഈ പറക്കും തളിക, മണിച്ചിത്രത്താഴ്, ആറാം തമ്പുരാന്‍ എന്നിങ്ങനെ വിവിധ സിനിമകളിലെ രംഗങ്ങളാണ് ട്രോളിനായി ഉപയോഗിച്ചിരിക്കുന്നത്.
അതേസമയം പ്രിയയെ പിന്തുണച്ചും ധാരാളം പേര്‍ രംഗത്ത് വന്നിട്ടുണ്ട്. പാവം ഇനി വിട്ടേക്ക്,പാവം പ്രിയ അവള്‍ എന്ത് തെറ്റാണ് നിങ്ങളോട് ചെയ്തത്, പണ്ട് പൃഥിരാജിനോടു ചെയ്തതാണ് ഇപ്പോള്‍ പ്രിയയോടു ചെയ്യുന്നത്. പ്രിയ ഇതെല്ലാം തിരിച്ചു പറയിപ്പിക്കുന്ന ഒരു കാലം വരും എന്നിങ്ങനെ നിരവധി കമന്റുകളാണ് ട്രോള്‍ വീഡിയോയ്ക്ക് വന്നിരിക്കുന്നത്.
