ഒമര്‍ ലുലു സംവിധാനം ചെയ്യുന്ന പുതിയ ചിത്രമായ ഒരു അഡാര്‍ ലൗവിലെ ഗാനം സോഷ്യൽ മീഡിയയിൽ തരംഗമായിരിക്കുകയാണ്. ഗാനരംഗത്തിലെ ഒരു പെൺകുട്ടിയുടെ പുരിക്കൊടി കൊണ്ടുള്ള അഭ്യാസവും ഒറ്റക്കണ്ണടച്ചു കൊണ്ടുള്ള നോട്ടവുമാണ് സോഷ്യൽ മീഡിയ ഏറ്റെടുത്തത്.
മാണിക്യ മലരായ… എന്നു തുടങ്ങുന്ന ഗാനമാണ് ഇപ്പോൾ വൈറലായിരിക്കുന്നത്. ചിത്രത്തിലെ നായികമാരിൽ ഒരാളായ പ്രിയ വാര്യര്‍ ആണ് ഈ ഒറ്റ രംഗത്തിലൂടെ ആരാധകരുടെ ശ്രദ്ധ നേടിയത്. ഒാഡിഷന്‍ വഴി അഡാര്‍ ലൗവിലേക്ക് തെരഞ്ഞെടുക്കപ്പെട്ടതാണ് പ്രിയ.
ചെറിയ റോളിലേക്കാണ് ആദ്യം തെരഞ്ഞെടുക്കപ്പെട്ടെങ്കിലും പിന്നീട് നായികമാരിൽ ഒരാളാവുകയായിരുന്നു തൃശൂര്‍ പൂങ്കുന്നം സ്വദേശിയായ പ്രിയ. കക്ഷി ഇപ്പോൾ ബി.കോം ഒന്നാം വര്‍ഷ വിദ്യാര്‍ഥിയാണ്.കോളജ് കാന്പസിന്‍റെ പശ്ചാത്തലത്തിലുള്ള ഈ ഗാനം ആലപിച്ചിരിക്കുന്നത് വിനീത് ശ്രീനിവാസനാണ്.
