തങ്ങളുടെ സ്വകാര്യതയിലേക്ക് മാധ്യമങ്ങളും മറ്റും ഒളിഞ്ഞു നോക്കുന്നത് പൊതുവേ സെലിബ്രിറ്റികൾക്ക് ഇഷ്ടമില്ലെന്നാണ് പറയാറ്. എന്നാൽ പ്രിയങ്കാ ചോപ്ര അവിടെയും വ്യത്യസ്തയാവുകയാണ്. തന്‍റെ സ്വകാര്യ കാര്യങ്ങൾ അറിയാൻ ആരാധകർ താത്പര്യം കാണിക്കുന്നത് തനിക്ക് ഇഷ്ടമാണെന്നാണ് പ്രിയങ്ക പറയുന്നത്.
സമൂഹമാധ്യമങ്ങളിൽ താൻ അക്കൗണ്ടുകൾ തുടങ്ങിയിരിക്കുന്നതുതന്നെ അതിനാണെന്നും പ്രിയങ്ക പറയുന്നു. ട്വിറ്ററിലോ ഇൻസ്റ്റഗ്രാമിലോ ഒക്കെ ഒരു പോസ്റ്റോ ചിത്രമോ പങ്കുവച്ചാൽ അത് ആരൊക്കെ കണ്ടു ആരൊക്കെ ലൈക്ക് ചെയ്തു ആരൊക്കെ ഷെയർ ചെയ്തു എന്ന് പ്രിയങ്ക കൃത്യമായി നോക്കാറുണ്ട്. കൂടുതൽ ആളുകൾ കണ്ടു എന്നറിഞ്ഞാൽ കൂടുതൽ സന്തോഷം.
