പ്രോസ്റ്റേറ്റ് രോഗങ്ങള്‍ ഇന്നു വളരെ കൂടുതലായി കണ്ടുവരുന്നു; കുറഞ്ഞ പ്രായത്തില്‍ തന്നെ. പ്രോസ്റ്റേറ്റ് രോഗങ്ങള്‍ മൂലം കൂടുതല്‍ പുരുഷന്മാര്‍ ബുദ്ധിമുട്ട് അനുഭവിക്കുന്നു.
പ്രോസ്റ്റേറ്റ് ഗ്രന്ഥിക്ക് ഉണ്ടാകുന്ന വീക്കം 40 വയസ്സ് കഴിഞ്ഞവരില്‍ വളരെ കൂടുതലായി കണ്ടുവരുന്നു. പ്രായം ആകുന്നതനുസരിച്ച് ശരീരത്തില്‍ ചില ഹോര്‍മോണ്‍ വ്യതിയാനങ്ങള്‍ വരാം.
ബിനൈന്‍ പ്രോസ്റ്റേറ്റ്ഹൈപ്പര് പ്ലാസിയ
സാധാരണ യാതൊരു കുഴപ്പവും ഇല്ലാത്ത പ്രോസ്റ്റേറ്റ് വീക്കത്തെ ബിനൈന്‍ പ്രോസ്റ്റേറ്റ് ഹൈപ്പര്‍ പ്ലാസിയ (B.P.H.) എന്നാണ് പറയുന്നത്. എന്നാല്‍ അണുബാധ മൂലവും, കാന്‍സര്‍ മൂലവും പ്രോസ്റ്റേറ്റിന് വീക്കം ഉണ്ടാകാറുണ്ട്.
മൂത്രതടസം, അണുബാധ എപ്പോൾ?
പ്രോസ്റ്റേറ്റിനുള്ളിലെ കോശങ്ങള്‍ പെരുകുമ്പോഴാണ് പ്രോസ്റ്റേറ്റ് ഗ്രന്ഥിയുടെ വലുപ്പം കൂടുന്നത്.സാധാരണ പ്രോസ്റ്റേറ്റിനുള്ളിലെ കോശങ്ങള്‍ വളര്‍ന്നു പെരുകിയാലും അതിനെ പൊതിഞ്ഞിരിക്കുന്ന കാപ്‌സ്യൂളിനു നല്ല കട്ടിയുള്ളതിനാല്‍ കോശങ്ങള്‍ അതിനുള്ളില്‍ തന്നെ തിങ്ങി ഞെരുങ്ങി ഇരിക്കും.
പക്ഷേ, ഈ ഞെരുക്കം മൂലം പ്രോസ്റ്റേറ്റിനുള്ളിലൂടെ കടന്നുപോകുന്ന മൂത്രനാളി വല്ലാതെ ഞെരുങ്ങും.പ്രോസ്റ്റേറ്റ് കോശങ്ങള്‍ മൂത്രനാളിയെ ഞെരുക്കുമ്പോള്‍ മൂത്രതടസം ഉണ്ടാകും.
മൂത്രാശയത്തില്‍ മൂത്രം കെട്ടിക്കിടന്ന് അണുബാധയ്ക്കു കാരണമാകാം, മൂത്രസഞ്ചിയില്‍ കല്ലുകളുണ്ടാകാനും സാധ്യത കൂടുതലാണ്.
മൂത്രാശയത്തില്‍ കെട്ടിക്കിടക്കുന്ന മൂത്രം അണുബാധയ്ക്കു കാരണമാകുന്നു. കിഡ്‌നിയിൽ അണുബാധയ്ക്കും കാരണമാകുന്നു. ചിലപ്പോള്‍ വൃക്ക പരാജയവും സംഭവിക്കാം.
പ്രോസ്റ്റേറ്റ് വലുപ്പം കൂടിയാൽ
പ്രോസ്റ്റേറ്റ് പുരുഷന്മാരില്‍ മാത്രം കാണപ്പെടുന്ന ഗ്രന്ഥിയാണ്. 10-20 ഗ്രാമോളം ഭാരമുള്ള പ്രോസ്റ്റേറ്റിന് മൂന്നു സെന്‍റി മീറ്ററിലധികം നീളം വരും.
പ്രോസ്റ്റേറ്റ് കൂടുതല്‍ വലുപ്പം വച്ചാല്‍ ശുക്ലത്തിന്‍റെ ഉല്‍പാദനം കുറയുകയും സ്ഖലനം ഉണ്ടാകാതെ വരികയും ചെയ്യും. ഇത് ലൈംഗിക ബലക്കുറവിന് കാരണമാകും.
ഈ ഘട്ടത്തില്‍ ഹോമിയോപ്പതി മരുന്നു കഴിക്കുകയാണെങ്കില്‍ പ്രോസ്റ്റേറ്റിന്റെ വലുപ്പം കുറയ്ക്കാം. ലൈംഗിക ബലക്കുറവും കുറയ്ക്കാനാവും.
