ക​ണ്‍​ഫ്യൂ​ഷ​ൻ വേ​ണ്ട…ഒ​ന്പ​താം തി​യ​തി​യി​ലെ  പി​എ​സ്‌സി ​പ​രീ​ക്ഷ​യും മാ​റ്റി

തൃ​ശൂ​ർ: കേ​ര​ള പി​എ​സ്സി ഈ ​മാ​സം ഒ​ന്പ​തി​ന് ന​ട​ത്താ​ൻ നി​ശ്ച​യി​ച്ചി​രു​ന്ന പ​രീ​ക്ഷ​ക​ളെ​ല്ലാം മാ​റ്റി. ഇ​തു സം​ബ​ന്ധി​ച്ച് ചി​ല ആ​ശ​യ​ക്കു​ഴ​പ്പ​ങ്ങ​ൾ നി​ല​നി​ന്നി​രു​ന്നു. നി​പ്പ വൈ​റ​സ് ബാ​ധ​യു​ടെ പ​ശ്ചാ​ത്ത​ല​ത്തി​ൽ ഈ ​മാ​സം 16 വ​രെ​യു​ള്ള പി​എ​സ്സി​യു​ടെ ഓ​ണ്‍​ലൈ​ൻ അ​ട​ക്ക​മു​ള്ള പ​രീ​ക്ഷ​ക​ൾ മാ​റ്റി വെ​ച്ച​താ​യി നേ​ര​ത്തെ അ​റി​യി​ച്ചി​രു​ന്നു​വെ​ങ്കി​ലും ല​ക്ഷ​ക്ക​ണ​ക്കി​ന് പേ​ർ എ​ഴു​തു​ന്ന ക​ന്പ​നി-​കോ​ർ​പ​റേ​ഷ​ൻ അ​സി​സ്റ്റ​ന്‍റ്, ഇ​ൻ​ഫ​ർ​മേ​ഷ​ൻ ഓ​ഫീ​സ​ർ പ​രീ​ക്ഷ മാ​റ്റി​യോ എ​ന്ന കാ​ര്യ​ത്തി​ൽ അ​വ്യ​ക്ത​ത​യു​ണ്ടാ​യി​രു​ന്നു.

നി​ര​വ​ധി​പേ​രാ​ണ് ഇ​തെ​ക്കു​റി​ച്ച് അ​റി​യാ​നും പ​രീ​ക്ഷ മാ​റ്റി​യി​ട്ടു​ണ്ടോ എ​ന്ന് ഉ​റ​പ്പു​വ​രു​ത്താ​നു​മാ​യി പി​എ​സ്സി ഓ​ഫീ​സി​ലേ​ക്ക് വി​ളി​ക്കു​ന്ന​ത്.സം​സ്ഥാ​ന​ത്ത് ആ​റു​ല​ക്ഷ​ത്തി​ല​ധി​കം പേ​രാ​ണ് ഒ​ന്പ​താം തി​യ​തി​യി​ലെ പ​രീ​ക്ഷ എ​ഴു​തേ​ണ്ടി​യി​രു​ന്ന​ത്. തൃ​ശൂ​ർ ജി​ല്ല​യി​ൽ അ​ന്പ​തി​നാ​യി​ര​ത്തി​ന​ടു​ത്താ​ണ് പ​രീ​ക്ഷാ​ർ​ത്ഥി​ക​ളു​ണ്ടാ​യി​രു​ന്ന​ത്.

പു​തു​ക്കി​യ തി​യ​തി പി​ന്നീ​ട് അ​റി​യി​ക്കും. മാ​റ്റി​വെ​ച്ച പ​രീ​ക്ഷ​ക​ൾ ഞാ​യ​റാ​ഴ്ച​ക​ളി​ൽ ന​ട​ത്താ​നാ​ണ് പി​എ​സ്‌സി ആ​ലോ​ചി​ക്കു​ന്ന​തെ​ന്ന് സൂ​ച​ന​യു​ണ്ട്. സാ​ധാ​ര​ണ​യാ​യി പി​എ​സ് സി ​പ​രീ​ക്ഷ​ക​ൾ ഞാ​യ​റാ​ഴ്ച​ക​ളി​ൽ ന​ട​ത്താ​റി​ല്ല. ഇ​തു സം​ബ​ന്ധി​ച്ച് അ​ന്തി​മ തീ​രു​മാ​നം ആ​യി​ട്ടി​ല്ല.