മൂ​ന്നു ന​ദി​ക​ൾ! മഴ തുടര്‍ന്നാല്‍ പമ്പ, കക്കി വീണ്ടും ഉയര്‍ത്തേണ്ടി വരും; ഇനി ഒരു ഷട്ടര്‍ ഉയര്‍ത്തല്‍ ചിന്തിക്കാനാകില്ല

പ​ത്ത​നം​തി​ട്ട: മ​ഴ ക​ന​ത്താ​ൽ പ​ന്പ, ക​ക്കി സം​ഭ​ര​ണി​ക​ളു​ടെ ഷ​ട്ട​റു​ക​ൾ ഇ​നി​യും ഉ​യ​ർ​ത്താ​തെ നി​ർ​വാ​ഹ​മി​ല്ലെ​ന്നു കെഎസ്ഇ​ബി അ​ധി​കൃ​ത​ർ. ര​ണ്ടി​ട​ത്തും പൂ​ർ​ണ സം​ഭ​ര​ണ ശേ​ഷി​ക്ക​ടു​ത്താ​ണ് ജ​ല​നി​ര​പ്പ്. ര​ണ്ടി​ട​ത്തും ഷ​ട്ട​റു​ക​ൾ പൂ​ർ​ണ​മാ​യി അ​ട​ച്ചി​ട്ടി​ല്ല.

പ്ര​ള​യ​ക്കെ​ടു​തി​ക​ൾ രൂ​ക്ഷ​മാ​യ​തോ​ടെ ഷ​ട്ട​റു​ക​ൾ ഭാ​ഗി​ക​മാ​യി താ​ഴ്ത്തി​ക്കൊ​ണ്ടു​വ​രി​ക​യാ​യി​രു​ന്നു. എ​ന്നാ​ൽ, ഇ​ന്ന​ലെ രാ​വി​ലെ മു​ത​ൽ വൃ​ഷ്ടി​പ്ര​ദേ​ശ​ങ്ങ​ളി​ൽ മ​ഴ ശ​ക്ത​മാ​ണ്. ഇ​തോ​ടെ ഒ​ന്ന​ര അ​ടി വ​രെ ഇ​ന്ന​ലെ​യും ഷ​ട്ട​റു​ക​ൾ ഉ​യ​ർ​ത്തേ​ണ്ടി​വ​ന്നു. ഇ​തു നേ​രി​യ തോ​തി​ൽ ന​ദി​യി​ലെ ജ​ല​നി​ര​പ്പ് ഉ​യ​ർ​ത്തി.

റാ​ന്നി​യി​ലും മ​റ്റും വെ​ള്ളം ഇ​റ​ങ്ങി​വ​ര​വേ ചെ​റി​യ തോ​തി​ൽ ക​യ​റ്റ​വു​മു​ണ്ടാ​യി. കാ​ല​വ​ർ​ഷം ഇ​നി ശ​ക്ത​മാ​കാ​തി​രു​ന്നാ​ൽ ഷ​ട്ട​റു​ക​ൾ പൂ​ർ​ണ​മാ​യി അ​ട​യ്ക്കും. വ​രാ​നു​ള്ള തു​ലാം​വ​ർ​ഷം മ​റ്റൊ​രു ഭീ​ഷ​ണി​യാ​ണ്. ഒ​ക്ടോ​ബ​റി​ൽ തു​ലാം​വ​ർ​ഷം ആ​രം​ഭി​ച്ചാ​ൽ സ്ഥി​തി ഗു​രു​ത​ര​മാ​കും.

ഷ​ട്ട​ർ, ഉ​രു​ൾ​പൊ​ട്ട​ൽ

പ​ന്പ, ക​ക്കി സം​ഭ​ര​ണി​ക​ളി​ലെ വെ​ള്ളം ഉ​പ​യോ​ഗി​ച്ചു ശ​ബ​രി​ഗി​രി പ​ദ്ധ​തി​യി​ലെ അ​ഞ്ച് ജ​ന​റേ​റ്റ​റു​ക​ളി​ലൂ​ടെ​യാ​ണ് വൈ​ദ്യു​തി ഉ​ത്പാ​ദി​പ്പി​ക്കു​ന്ന​ത്.

ചൊ​വ്വാ​ഴ്ച രാ​ത്രി​യി​ലെ ശ​ക്ത​മാ​യ മ​ഴ​യി​ൽ പ​ന്പ​യു​ടെ ഷ​ട്ട​റു​ക​ൾ ആ​റ​ടി വ​രെ ഉ​യ​ർ​ത്തി​യി​രു​ന്നു. ആ​റ് ഷ​ട്ട​റു​ക​ളും ആ​റ​ടി ഉ​യ​ർ​ത്തി​യ​തോ​ടെ​യാ​ണ് പ്ര​ള​യ​ജ​ലം പ​ന്പാ​ന​ദി​യി​ലേ​ക്ക് എ​ത്തി​യ​ത്. സ​മാ​ന​മാ​യ സാ​ഹ​ച​ര്യം ക​ക്കി​യി​ലു​മു​ണ്ടാ​യി. ക​ക്കി – ആ​ന​ത്തോ​ട് സം​ഭ​ര​ണി​യി​ൽ നാ​ലു ഷ​ട്ട​റു​ക​ളാ​ണു​ള്ള​ത്.

മൂ​ഴി​യാ​റി​ലും ഷ​ട്ട​റു​ക​ൾ കൂ​ടു​ത​ൽ ഉ​യ​ർ​ത്തി. പ​ന്പ സം​ഭ​ര​ണി​യോ​ടു ചേ​ർ​ന്ന ചെ​റു​സം​ഭ​ര​ണി​ക​ളും നി​റ​ഞ്ഞൊ​ഴു​കി. മൂ​ഴി​യാ​റി​നു താ​ഴേ​ക്കു​ള്ള അ​ള്ളു​ങ്ക​ൽ, കാ​രി​ക്ക​യം, മ​ണി​യാ​ർ സം​ഭ​ര​ണി​ക​ളും നി​റ​ഞ്ഞൊ​ഴു​കി. ഇ​തോ​ടൊ​പ്പം ഒ​രു ഡ​സ​നോ​ളം ഉ​രു​ൾ​പൊ​ട്ട​ലു​ക​ളും. ക​ന​ത്ത മ​ഴ​യും പ​ന്പ​യു​ടെ വൃ​ഷ്ടി​പ്ര​ദേ​ശ​ങ്ങ​ളി​ലു​ണ്ടാ​യി. ഇ​വ​യെ​ല്ലാം കൂ​ടി​യാ​ണ് ഇ​പ്പോ​ൾ പ്ര​ള​യ​ജ​ല​മാ​യി താ​ഴേ​ക്ക് ഒ​ഴു​കി​യെ​ത്തി​യി​രി​ക്കു​ന്ന​ത്.

മൂ​ന്നു ന​ദി​ക​ൾ

176 കി​ലോ​മീ​റ്റ​റാ​ണ് പ​ന്പാ​ന​ദി​യു​ടെ നീ​ളം. 2235 ച​തു​ര​ശ്ര കി​ലോ​മീ​റ്റ​റാ​ണ് വൃ​ഷ്ടി പ്ര​ദേ​ശം. പ​ത്ത​നം​തി​ട്ട, ആ​ല​പ്പു​ഴ ജി​ല്ല​ക​ളി​ലൂ​ടെ​യാ​ണ് ഒ​ഴു​ക്ക്. ഇ​ന്ന് ഈ ​പ്ര​ദേ​ശ​ങ്ങ​ളെ​യും തീ​ര​ത്തു​നി​ന്നു കി​ലോ​മീ​റ്റ​റു​ക​ൾ​ക്ക​പ്പു​റ​ത്തേ​ക്കും പ്ര​ള​യം വി​ഴു​ങ്ങി​ക്ക​ഴി​ഞ്ഞു. പ​ന്പ​യും അ​ച്ച​ൻ​കോ​വി​ലും സം​ഗ​മി​ക്കു​ന്ന​ത് വീ​യ​പു​ര​ത്താ​ണ്. മ​ണി​മ​ല​യാ​ർ കൂ​ടി എ​ത്തു​ന്ന​തോ​ടെ അ​പ്പ​ർ​കു​ട്ട​നാ​ട്, കു​ട്ട​നാ​ട് പ്ര​ദേ​ശ​ങ്ങ​ളെ പ്ര​ള​യ​ജ​ലം മൂ​ടു​ന്ന അ​വ​സ്ഥ.