ചെറുപുഴ: തിരുമേനി മുതുവത്ത് ആട്ടിന്‍കുട്ടിയെ അഞ്ജാത ജീവി പിടിച്ചു. പുലിയാണ് പിടിച്ചതെന്ന ആശങ്കയിലാണ് നാട്ടുകാര്‍. കഴിഞ്ഞ ദിവസം വിറകു പെറുക്കാന്‍ പോയ സ്ത്രീകള്‍ പുലിയെ കണ്ടതായി പറഞ്ഞിരുന്നു. ഇന്ന് പുലര്‍ച്ചെ നാലരയോടെയാണ് മുതുവത്തെ കൈത്തോട്ടുങ്കല്‍ ബോബിയുടെ ആറ് കിലോയോളം തൂക്കം വരുന്ന ആട്ടിന്‍കുട്ടിയെ കാണാതാകുന്നത്.
പുലര്‍ച്ചെ നാലിന് റബര്‍ വെട്ടാന്‍ ബോബി പോകുമ്പോള്‍ ആട്ടിന്‍ കുട്ടിയെ കൂട്ടില്‍ കണ്ടിരുന്നു. തിരിച്ചു വരുമ്പോഴാണ് ഇതിനെ കാണാതാകുന്നത്. കൂട്ടില്‍ രക്തം കാണപ്പെട്ടു. കയര്‍ പൊട്ടിച്ചു കൊണ്ടുപോകുകയായിരുന്നുവെന്ന് കരുതുന്നു. ഇതോടെ പ്രദേശവാസികള്‍ ഭീതിയിലായിരിക്കുകയാണ്.
