ഓ​ടം​ന്തോ​ട്ടി​ൽ പു​ലി​യി​റ​ങ്ങി ആ​ടി​നെ കൊ​ന്നു; ശബ്ദം കേട്ട് വീട്ടുകാരെത്തിയപ്പോൾ പുലി ഓടിപ്പോയതായി വീട്ടുടമ; പു​ലി​ത​ന്നെ​യാ​ണ് ആ​ടി​നെ കൊ​ന്ന​തെ​ന്ന് പോ​സ്റ്റു​മോ​ർ​ട്ടം റിപ്പോർട്ട്

മം​ഗ​ലം​ഡാം: മ​ല​യോ​ര​മേ​ഖ​ല​യാ​യ ഓ​ടം​ന്തോ​ട് പ​ട​ങ്ങി​ട്ട തോ​ടി​ൽ പു​ലി​യി​റ​ങ്ങി ആ​ടി​നെ കൊ​ന്നു. മ​ഠ​ത്തി​നാ​ൽ റോ​യി​യു​ടെ വ​ലി​യ ത​ള്ള​യാ​ടി​നെ​യാ​ണ് കൂ​ട്ടി​നു​ള്ളി​ൽ​നി​ന്നും പി​ടി​കൂ​ടി പു​ലി ക​ടി​ച്ചു​കൊ​ന്ന​ത്. കൂ​ടി​ന്‍റെ മ​ര​യ​ഴി​യി​ൽ പൊ​ട്ടി​ച്ച് ആ​ടി​നെ പു​റ​ത്തേ​ക്ക് വ​ലി​ക്കാ​ൻ ശ്ര​മി​ച്ചെ​ങ്കി​ലും ക​ഴു​ത്തി​ൽ ക​യ​റു​ണ്ടാ​യ​തി​നാ​ൽ പു​ലി​ക്ക് ആ​ടി​നെ​യെ​ടു​ത്ത് കൊ​ണ്ടു​പോ​കാ​നാ​യി​ല്ല. ഇ​ന്ന​ലെ പു​ല​ർ​ച്ചെ മൂ​ന്നോ​ടെ​യാ​യി​രു​ന്നു സം​ഭ​വം.

ആ​ടു​ക​ളു​ടെ ശ​ബ്ദം​കേ​ട്ട് ലൈ​റ്റി​ട്ട് പു​റ​ത്തി​റ​ങ്ങു​ന്പോ​ഴേ​യ്ക്കും പു​ലി ആ​ടി​നെ ഉ​പേ​ക്ഷി​ച്ച് ഓ​ടി​പോ​യ​താ​യി റോ​യ് പ​റ​ഞ്ഞു. നാ​ലു​കു​ട്ടി​ക​ളു​ള്ള മു​ന്തി​യ ഇ​ന​ത്തി​ൽ​പെ​ട്ട ആ​ടാ​ണ് ന​ഷ്ട​മാ​യ​ത്. നാ​ല്പ​തു കി​ലോ​തൂ​ക്കം വ​രു​ന്ന​താ​ണ് ആ​ട്. കൂ​ട്ടി​ൽ ഈ ​ആ​ടി​ന്‍റെ നാ​ലു​കു​ട്ടി​ക​ളും മ​റ്റൊ​രു വ​ലി​യ ആ​ടും ഉ​ണ്ടാ​യി​രു​ന്നു.

മം​ഗ​ലം ഡെ​പ്യൂ​ട്ടി ഫോ​റ​സ്റ്റ് റേ​ഞ്ച് ഓ​ഫീ​സ​ർ പ്ര​മോ​ദി​ന്‍റെ നേ​തൃ​ത്വ​ത്തി​ൽ വ​ന​പാ​ല​ക​രെ​ത്തി പ​രി​ശോ​ധ​ന ന​ട​ത്തി. കി​ഴ​ക്ക​ഞ്ചേ​രി വെ​റ്റ​റി​ന​റി ഡോ​ക്ട​റെ​ത്തി ആ​ടി​ന്‍റെ ജ​ഡം പോ​സ്റ്റു​മോ​ർ​ട്ടം ന​ട​ത്തി. പു​ലി​ത​ന്നെ​യാ​ണ് ആ​ടി​നെ കൊ​ന്ന​തെ​ന്ന് പോ​സ്റ്റു​മോ​ർ​ട്ട​ത്തി​ൽ വ്യ​ക്ത​മാ​യ​താ​യി ഡെ​പ്യൂ​ട്ടി റേ​ഞ്ച് ഓ​ഫീ​സ​ർ പ​റ​ഞ്ഞു. ആ​ടി​ന്‍റെ ഉ​ട​മ​യ്ക്ക് ന്യാ​യ​മാ​യ ന​ഷ്ട​പ​രി​ഹാ​രം ന​ല്കു​മെ​ന്നും വ​നം​വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു.

ഇ​തി​നാ​യി ഉ​ട​മ​യി​ൽ​നി​ന്നും അ​പേ​ക്ഷ സ്വീ​ക​രി​ച്ച് ന​ഷ്ട​പ​രി​ഹാ​രം കൈ​മാ​റും. പു​ലി ജ​ന​ത്തി​ന് വ​ലി​യ ശ​ല്യ​മാ​യി വ​രു​ന്ന സ്ഥി​തി​യു​ണ്ടാ​യാ​ൽ വേ​ണ്ട​ന​ട​പ​ടി സ്വീ​ക​രി​ക്കു​മെ​ന്നും ഡെ​പ്യൂ​ട്ടി റേ​ഞ്ച് ഓ​ഫീ​സ​ർ പ​റ​ഞ്ഞു.

കൂ​ടു​വ​ച്ച് പു​ലി​യെ പി​ടി​കൂ​ട​ണ​മെ​ങ്കി​ൽ അ​തി​ന്‍റെ ന​ട​പ​ടി​ക്ര​മ​ങ്ങ​ൾ ഏ​റെ​യു​ണ്ട്. പു​ലി​യു​ടെ സ്ഥി​ര​മാ​യ ഭീ​ഷ​ണി, പു​ലി സ്ഥി​ര​മാ​യി വ​രു​ന്ന വ​ഴി​ക​ൾ തു​ട​ങ്ങി​യ​വ ഉ​ണ്ടെ​ങ്കി​ലേ കൂ​ടു​വ​യ്ക്കാ​ൻ അ​നു​മ​തി ല​ഭി​ക്കൂ​വെ​ന്നും അ​ദ്ദേ​ഹം പ​റ​ഞ്ഞു.