സിംഹത്തിന്‍റെ പിടിയില്‍ നിന്നും പുള്ളിപ്പുലി അത്ഭുതകരമായി രക്ഷപെടുന്നതിന്‍റെ ദൃശ്യങ്ങള്‍ വൈറലാകുന്നു. നമീബിയയിലെ എറ്റോഷ ദേശിയ പാര്‍ക്കിലാണ് സംഭവം.
മൃഗങ്ങള്‍ വെള്ളം കുടിക്കുന്ന ജലാശയത്തിന് സമീപമാണ് പുള്ളിപ്പുലിയെ പിടികൂടാന്‍ സിംഹം വന്നത്. വെള്ളം കുടിച്ചതിന് ശേഷം മടങ്ങിയ പുലിയുടെ സമീപത്തേക്ക് സിംഹം വന്നു. പെട്ടന്ന് സിംഹത്തെ കണ്ട പുലി തിരിഞ്ഞോടി.
പുള്ളിപ്പുലിയുടെ പിന്നാലെ സിംഹം ഓടിയെങ്കിലും പിടികൂടാനായില്ല. പിന്നീട് മരത്തിന് മുകളില്‍ കയറിയാണ് പുലി രക്ഷകണ്ടെത്തിയത്. ഫ്രഞ്ച് ബയോളജിസ്റ്റും സഫാലി ഗൈഡുമായ വലന്‍റെന്‍ ലാവിസ് ആണ് ഈ ദൃശ്യങ്ങള്‍ പകര്‍ത്തിയത്.
