ശ്രീനഗർ: ജമ്മുകാഷ്മീരിലെ പുൽവാമയിൽ തീവ്രവാദികളുമായുണ്ടായ ഏറ്റുമുട്ടലിൽ സിആർപിഎഫ് ജവാന് വീരമൃത്യു. ഏറ്റുമുട്ടലിൽ രണ്ട് തീവ്രവാദികളെ സൈന്യം വധിക്കുകയും ചെയ്തു.
ചൊവ്വാഴ്ച പുലർച്ചെ 5.30 ഓടെ ശ്രീനഗറിൽനിന്ന് 43 കിലോമീറ്റർ അകലെ ബന്ദ്സൂ ഗ്രാമത്തിലാണ് ഏറ്റുമുട്ടൽ ആരംഭിച്ചത്. പുൽവാമ പോലീസും സിആർപിഎഫ് 182 ബറ്റാലിയനും രാഷ്ട്രീയ റൈഫിൾസും ചേർന്നാണ് ഓപ്പറേഷൻ നടത്തിയത്. പോലീസിന്‍റെയും സുരക്ഷാസനേയുടേയും സംയുക്ത പട്രോളിംഗിനിടെ തീവ്രവാദികൾ ആക്രമിക്കുകയായിരുന്നു.
സ്ഥലത്ത് ഏറ്റുമുട്ടൽ തുടരുകയാണ്. വെടിവയ്പിൽ പരിക്കേറ്റ ജവാനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
