പു​ന​ലൂ​ർ ന​ഗ​ര​ത്തി​ൽ മാ​ലി​ന്യ​സം​സ്ക​ര​ണം ഫ​ല​പ്ര​ദ​മാ​കു​ന്നി​ല്ല; കളക്ഷൻ ബിന്നുകൾ നോക്കുകുത്തികളാകുന്നു; പ്ര​തി​ഷേ​ധം വ്യാ​പ​കം

പു​ന​ലൂ​ർ:​ന​ഗ​ര​ത്തി​ൽ മാ​ലി​ന്യ സം​സ്ക​ര​ണ ന​ട​പ​ടി​ക​ൾ ഫ​ല​പ്ര​ദ​മാ​കു​ന്നി​ല്ല. പ്ര​തി​ഷേ​ധം വ്യാ​പ​കം. മാ​ലി​ന്യ​സം​സ്ക​ര​ണ​ത്തി​നാ​യി സ്ഥാ​പി​ച്ച ക​ള​ക്ഷ​ൻ ബി​ന്നു​ക​ൾ നോ​ക്കു​കു​ത്തി​ക​ളാ​യി മാ​റു​ക​യാ​ണ്. ചി​ല​യി​ട​ങ്ങ​ളി​ൽ മാ​ലി​ന്യ​ങ്ങ​ൾ നി​റ​ഞ്ഞു​ക​വി​ഞ്ഞ് ദു​ർ​ഗ​ന്ധം വ​മി​ക്കു​ന്നു.

മാ​ലി​ന്യ​ങ്ങ​ൾ കൃ​ത്യ​മാ​യി എ​ടു​ത്തു​മാ​റ്റാ​നും ബ​ന്ധ​പ്പെ​ട്ട​വ​ർ ത​യാ​റാ​കു​ന്നി​ല്ല. പു​ന​ലൂ​ർ ന​ഗ​ര​ത്തി​ലെ മു​ഴു​വ​ൻ ഭാ​ഗ​ങ്ങ​ളി​ലും ബി​ന്നു​ക​ൾ സ്ഥാ​പി​ച്ചി​രു​ന്നു. എ​ന്നാ​ൽ മാ​ലി​ന്യ​നി​ർ​മാ​ർ​ജ​നം ഫ​ല​പ്ര​ദ​മാ​യി ന​ട​ക്കു​ന്നി​ല്ലെ​ന്ന​താ​ണ് യാ​ഥാ​ർ​ഥ്യം. ന​ഗ​ര​സ​ഭ​യി​ലെ 35 വാ​ർ​ഡു​ക​ളി​ലും ക​ള​ക്ഷ​ൻ ബി​ന്നു​ക​ൾ സ്ഥാ​പി​ച്ചി​ട്ടു​ണ്ട്. ല​ക്ഷ​ക​ണ​ക്കി​ന് രൂ​പ ചെ​ല​വാ​ക്കി സ്ഥാ​പി​ച്ച പ​ദ്ധ​തി മൂ​ലം യാ​തൊ​രു പ്ര​യോ​ജ​ന​വു​മി​ല്ലാ​ത്ത അ​വ​സ്ഥ​യാ​ണു​ള്ള​ത്.

ന​ഗ​ര​ത്തി​ലെ പ​ല​ഭാ​ഗ​ങ്ങ​ളി​ലും മാ​ലി​ന്യ​ങ്ങ​ൾ കെ​ട്ടി കി​ട​ന്ന് ദു​ർ​ഗ​ന്ധം വ​മി​ക്കു​ക​യാ​ണ്. ഇ​ത് വ​ലി​യ ആ​രോ​ഗ്യ പ്ര​ശ്ന​ങ്ങ​ൾ​ക്കും ഇ​ട​യാ​ക്കു​ന്നു​ണ്ട്. ക​ള​ക്ഷ​ൻ ബി​ന്നു​ക​ൾ സ്ഥാ​പി​ച്ച​തി​ലും വ​ലി​യ അ​ഴി​മ​തി ന​ട​ന്ന​താ​യി പ്ര​തി​പ​ക്ഷം ആ​രോ​പി​ച്ചു. ചെ​മ്മ​ന്തൂ​രി​ൽ ഓ​പ്പ​ൺ‌ എ​യ​ർ ഓ​ഡി​റ്റോ​റി​യം നി​ർ​മി​ച്ച ഏ​ജ​ൻ​സി​യാ​ണ് ബി​ന്നു​ക​ൾ സ്ഥാ​പി​ച്ച​തെ​ന്ന് ന​ഗ​ര​സ​ഭാ പ്ര​തി​പ​ക്ഷ നേ​താ​വ് നെ​ൽ​സ​ൺ സെ​ബാ​സ്റ്റ്യ​ൻ ആ​രോ​പി​ച്ചു.

സം​ഭ​വ​ത്തി​ലെ അ​ഴി​മ​തി അ​ന്വേ​ഷി​ക്ക​ണ​മെ​ന്നും അ​ദ്ദേ​ഹം പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു.
മാ​ലി​ന്യ​സം​സ്ക​ര​ണ​ത്തി​ന് മു​ന്പു​ണ്ടാ​യി​രു​ന്ന സം​വി​ധാ​ന​ങ്ങ​ളെ​ല്ലാം ഒ​ഴി​വാ​ക്കി​യാ​ണ് പു​തി​യ സം​വി​ധാ​നം ഏ​ർ​പ്പെ​ടു​ത്തി​യ​ത്. എ​ന്നാ​ൽ പു​തി​യ സം​വി​ധാ​ന​ങ്ങ​ൾ പാ​ളി​യ​തോ​ടെ മാ​ലി​ന്യ​സം​സ്ക​ര​ണ​ത്തി​ന് പു​തി​യ മാ​ർ​ഗ​ങ്ങ​ൾ തേ​ടു​ക​യാ​ണ് അ​ധി​കൃ​ത​ർ.