പു​ല്ലാ​ണേ… പു​ല്ലാ​ണേ… കൃ​ഷി ഞ​ങ്ങ​ൾ​ക്ക് പു​ല്ലാ​ണേ…! തെ​രു​വ​പു​ല്ല് കൃ​ഷി​യി​ൽ നേ​ട്ടം കൊ​യ്ത് യു​വ​സം​ഘം

ജി​ബി​ൻ കു​ര്യ​ൻ

കോ​ട്ട​യം: പു​ല്ലാ​ണ് ഈ ​യു​വാ​ക്ക​ൾ​ക്ക് കൃ​ഷി. വ​ല്ല​ഭ​നു പു​ല്ലും ആ​യു​ധം എ​ന്ന​തു പോ​ലെ ആ​ൽ​വി​നും അ​ഖി​ലി​നും നി​ഖി​ലി​നും ലി​സ്വി​നും ഉ​ണ്ണി​രാ​ജ​യ്ക്കും പു​ല്ലാ​ണ് ഇ​പ്പോ​ൾ ആ​യു​ധം.

തെ​രു​വ​പു​ല്ല് കൃ​ഷി ചെ​യ്തു പു​ൽ​തൈ​ലം ഉ​ണ്ടാ​ക്കി വി​ൽ​ക്കു​ക​യാ​ണു കോ​ള​ജ് പ​ഠ​ന​ത്തി​നു​ശേ​ഷം കൃ​ഷി​യി​ലേ​ക്കി​റ​ങ്ങി​യ ഈ ​യു​വ ക​ർ​ഷ​ക​ർ.

കാ​ഞ്ഞി​ര​പ്പ​ള്ളി സ്വ​ദേ​ശി​യാ​യ ആ​ൽ​വി​ൻ തോ​മ​സും ഭ​ര​ണ​ങ്ങാ​നം സ്വ​ദേ​ശി​യാ​യ അ​ഖി​ൽ പ്ര​ദീ​പും തീ​ക്കോ​യി സ്വ​ദേ​ശി​യാ​യ കെ.​ജി. നി​ഖി​ലും തൊ​ടു​പു​ഴ സ്വ​ദേ​ശി​ക​ളാ​യ ഉ​ണ്ണി​രാ​ജ​യും ലി​സ്വി​നും മേ​ലു​കാ​വ് ഹെ​ൻ​ട്രി ബേ​ക്ക​ർ കോ​ള​ജി​ലെ ഉൗ​ർ​ജ​ത​ന്ത്ര ബി​രു​ദ പ​ഠ​ന​ത്തി​നു​ശേ​ഷം വൈ​റ്റ് കോ​ള​ർ ജോ​ലി വേണ്ടെന്നു​വ​ച്ച് ജീ​വി​ത ​മാ​ർ​ഗ​മാ​യി കൃ​ഷി​യെ ഉൗ​ർ​ജ​മാ​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

ആ​ൽ​വി​ൻ തോ​മ​സാ​ണു പു​ല്ല് കൃ​ഷി ചെ​യ്യു​ന്ന ആ​ശ​യം മു​ന്നോ​ട്ടു വ​ച്ച​ത്. സാ​ധാ​ര​ണ തീ​റ്റ​പ്പു​ല്ല് കൃ​ഷി ചെ​യ്യാ​നാ​ണ് ആ​ദ്യം ഉ​ദ്ദേ​ശി​ച്ച​തെ​ങ്കി​ലും പി​ന്നീ​ട് തെ​രു​വ​പ്പു​ല്ലി​ലേ​ക്കു മാ​റി.

യു​പി​യി​ലും ബം​ഗ​ളൂ​രുവിലും പോ​യി തെ​രു​വ​പ്പു​ല്ല് കൃ​ഷി ചെ​യ്യു​ന്ന രീ​തി ക​ണ്ടു പ​ഠി​ച്ചു. അ​യ്യാ​യി​ര​ത്തോ​ളം തൈ​ക​ളും വാ​ങ്ങി.

പി​ണ്ണ​ക്ക​നാ​ടി​നു​സ​മീ​പം സ്ഥ​ലം പാ​ട്ട​ത്തി​നു വാ​ങ്ങി തൈ​ക​ൾ ന​ട്ടു. പു​ല്ലു​വെ​ട്ടി പു​ൽ​തൈ​ലം ഉ​ണ്ടാ​ക്കു​ന്ന പ​ല​യി​ട​ത്തും എ​ത്തി​ച്ചെ​ങ്കി​ലും ആ​ർ​ക്കും വേ​ണ്ട. പു​ൽ​ത്തൈ​ലം ഉ​ണ്ടാ​ക്കി​യാ​ൽ വാ​ങ്ങാ​മെ​ന്നാ​യി.

ഇ​തി​നേ​ക്കു​റി​ച്ചു പ​ഠി​ക്കു​ന്ന​തി​നാ​യി വ​യ​നാ​ട്ടി​ലും മ​റ​യൂ​രി​ലും യു​വ​സം​ഘം എ​ത്തി. പി​ന്നീ​ട് യു​പി​യി​ലെ​ത്തി മെ​ഷീ​ൻ വാ​ങ്ങി.

മൂ​ന്നി​ല​വി​ൽ ഫാ​ക്ട​റി സ്ഥാ​പി​ച്ചു. ചെ​ത്തി​യെ​ടു​ത്ത പു​ല്ല് മെ​ഷീ​നി​ൽ ആ​വി കേ​റ്റി ചൂ​ടാ​ക്കി വാ​റ്റി​യാ​ണ് പു​ൽ​തൈ​ല​മു​ണ്ടാ​ക്കു​ന്ന​ത്.

ആ​വി​യാ​യി വ​രു​ന്ന​തി​നെ ത​ണു​പ്പി​ച്ചു വെ​ള്ള​വും തൈ​ല​വും വേ​ർ​തി​രി​ച്ചെ​ടു​ക്കു​ക​യാ​ണു ചെ​യ്യു​ന്ന​ത്.

എ​റ​ണാ​കു​ള​ത്തു​ള്ള ക​ന്പ​നി​ക്കാ​ണ് ഇ​പ്പോ​ൾ തൈ​ലം വി​ൽ​ക്കു​ന്ന​ത്. ഒ​രു ലി​റ്റ​റി​ന് 1500 രൂ​പ ല​ഭി​ക്കും. 70 ദി​വ​സം കൂ​ടു​ന്പോ​ൾ പു​ല്ല് അ​രി​യാം.

വേ​ന​ൽ​ക്കാ​ല​ത്ത് അ​ത്യാ​വ​ശ്യം ന​ന​യും അ​ൽ​പം ചാ​ണ​കം വ​ള​വു​മാ​യി ന​ല്കി​യാ​ൽ മ​തി. തെ​രു​വ​പു​ല്ല് ന​ല്ല​തു​പോ​ലെ വ​ള​രും.

പു​ല്ല് ന​ടു​ന്ന​തും അ​രി​യു​ന്ന​തും സം​സ്ക​രി​ച്ചു തൈ​ല​മു​ണ്ടാ​ക്കു​ന്ന​തു​മെ​ല്ലാം ഈ ​അ​ഞ്ചം​ഗ​സം​ഘം ത​ന്നെ​യാ​ണ്.

ഭാ​വി​യി​ൽ കൂ​ടു​ത​ൽ സ്ഥ​ല​ത്തേ​ക്ക് പു​ല്ല് കൃ​ഷി വ്യാ​പി​പ്പി​ക്കാ​നും തൈ​ല​ത്തി​നു കൂ​ടു​ത​ൽ വി​പ​ണി ക​ണ്ടെ​ത്താ​നു​മു​ള്ള ശ്ര​മ​ത്തി​ലാ​ണ് ഈ ​യു​വ​സം​ഘം.