അല്ലു അര്‍ജുന്‍ നായകനായ പുഷ്പ എന്ന ചിത്രത്തിന് ഭാഷാവ്യത്യാസമില്ലാതെ മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. ചിത്രത്തിൽ നായികയായി തിളങ്ങിയ രശ്മിക മന്ദാനയെയും പ്രേക്ഷകര്‍ ഇരുകൈയും നീട്ടി സ്വീകരിച്ചിരുന്നു.
ഇപ്പോഴിതാ തന്‍റെ സിനിമയ്ക്ക് കിട്ടിയ ലഭിച്ച എല്ലാ പിന്തുണയ്ക്കും സ്നേഹത്തിനും രശ്മിക ആരാധകരോട് നന്ദി രേഖപ്പെടുത്തിയിരിക്കുന്നത് സോഷ്യല്‍ മീഡിയയിലൂടെയാണ്. ട്വിറ്റര്‍, ഇന്‍സ്റ്റഗ്രാം അക്കൗണ്ടിലൂടെയാണ് താരം നന്ദി അറിയിച്ചിരിക്കുന്നത്.
പുഷ്പയോടുള്ള നിങ്ങളുടെ എല്ലാ സ്നേഹത്തിനും നന്ദി.. കൂടുതൽ കഠിനാധ്വാനം ചെയ്യാൻ ഞങ്ങളെ പ്രേരിപ്പിക്കുന്നു. ഞങ്ങൾ നിങ്ങള്‍ക്ക് ഉറപ്പ് നല്‍കുന്നു. പുഷ്പ 2 മികച്ചതും വലുതുമായിരിക്കുമെന്ന് ഞങ്ങൾ വാഗ്ദാനം ചെയ്യുന്നു. ചിരിച്ചു കൊണ്ടിരിക്കുന്ന ചിത്രത്തിനൊപ്പമാണ് രശ്മികയുടെ പോസ്റ്റ്.
പുഷ്പ: ദി റൈസ് – ഭാഗം 1 എന്ന പേരിൽ ആദ്യഭാഗം നിരൂപക പ്രശംസയും വാണിജ്യ വിജയവും നേടിയിരുന്നു. പുഷ്പ 2: ദ റൂൾസ് എന്ന രണ്ടാം ഭാഗം ഈ വർഷം തന്നെ റിലീസ് ചെയ്യും. ചുവന്ന ചന്ദന കള്ളക്കടത്തിന്‍റെ പശ്ചാത്തലത്തിൽ ഒരുങ്ങുന്ന ഈ ചിത്രത്തിൽ അല്ലു അർജുനാണ് പുഷ്പ രാജ് എന്ന ടൈറ്റിൽ റോളിൽ എത്തുന്നത്.
പുഷ്പയ്ക്ക് ശേഷം രശ്മികയും സിനിമയില്‍ തിരക്കില്‍ തന്നെയാണ്. മിഷൻ മജ്നു എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിക്കാൻ ഒരുങ്ങുകയാണ് രശ്മിക. സിദ്ധാർഥ് മൽഹോത്രയ്‌ക്കൊപ്പമാണ് രശ്മിക അഭിനയിക്കുന്നത്.
ശന്തനു ബാഗ്‌ചി സംവിധാനം ചെയ്ത ഈ ചിത്രം പാക്കിസ്ഥാനിലെ ഇന്ത്യയുടെ രഹസ്യ പ്രവർത്തനത്തിന് നേതൃത്വം നൽകുന്ന ഒരു റോ ഏജന്‍റിന്‍റെ യാത്രയെയാണ് വിവരിക്കുന്നത്.
കൂടാതെ, അമിതാഭ് ബച്ചൻ, നീന ഗുപ്ത, പവയിൽ ഗുലാത്തി എന്നിവർ പ്രധാന വേഷങ്ങളിൽ അഭിനയിച്ച വികാസ് ബഹലിന്‍റെ ഗുഡ്‌ബൈ എന്ന ചിത്രവും രശ്മികയ്ക്കുണ്ട്. ഒരു അച്ഛന്‍റെയും മകളുടെയും കഥയാണ് ഈ ചിത്രമെന്നാണ് റിപ്പോർട്ട്.
