പുതുച്ചേരി: സീനിയര്‍ ബാസ്‌കറ്റ്‌ബോള്‍ ചാമ്പ്യന്‍ഷിപ്പില്‍ കേരള വനിതകള്‍ ഫൈനലില്‍ കടന്നു. സെമിയില്‍ അത്യന്തം വാശിയേറിയ പോരാട്ടത്തില്‍ ഛത്തീസ്ഗഡിനെ പരാജയപ്പെടുത്തിയാണ് കേരളം കലാശപ്പോരാട്ടത്തിനു യോഗ്യത നേതിയത്. സ്‌കോര്‍: 7270. അവസാന നിമിഷം വരെ ആരും ജയിക്കാമെന്ന അവസ്ഥയില്‍ മുന്നേട്ടു പോയ കളിയില്‍ നേരിയ വ്യത്യാസത്തിലാണ് കേരളം വിജയം പിടിച്ചെടുത്തത്. ആദ്യ ക്വാര്‍ട്ടറില്‍ 1623 എന്ന സ്‌കോറിനു പിന്നില്‍ നിന്ന ശേഷം ശക്തമായി തിരിച്ചടിച്ചാണ് കേരളം വിജയത്തിലേക്കെത്തിയത്.
പി.എസ്. ജീന 20 പോയിന്റുമായി കേരളത്തിന്റെ ടോപ് സ്‌കോററായി. റെയില്‍വേസിനെ 5674 എന്ന സ്‌കോറിനു തകര്‍ത്ത് ഫൈനലിലെത്തിയ തെലുങ്കാനയാണ് കാലശപ്പോരാട്ടത്തില്‍ കേരളത്തിന്റെ എതിരാളികള്‍. പുരുഷന്മാരില്‍ കര്‍ണാടകയെ 7140 എന്ന സ്‌കോറിനു തോല്‍പ്പിച്ചു കേരളം അഞ്ചാം സ്ഥാനം കരസ്ഥമാക്കി. പഞ്ചാബിനെ പരാജയപ്പെടുത്തി ഉത്തരാഖണ്ഡ് പുരുഷ വിഭാഗം ഫൈനലിലെത്തിയിട്ടുണ്ട്. ഇന്നാണ് പുരുഷ, വനിതാ ഫൈനലുകള്‍.
