ഖ​ത്ത​ർ ഉ​പ​രോ​ധത്തെ തുടർന്ന് നാട്ടിലേക്ക് വരാൻ ടിക്കറ്റ് ബുക്ക് ചെയ്ത നിരവധി പേരു ടെ യാത്രമുടങ്ങി; ടിക്കറ്റ് മാറ്റിയെടുത്തു ള്ള വരവ് സാധാരണക്കാർക്ക് അത്ര എളുപ്പമല്ല

മു​ക്കം: ​സൗ​ദി അ​റേ​ബ്യ​യും യു.എ​ഇ യും ​ബ​ഹ​റൈ​നും ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ൾ  ഖ​ത്ത​റു​മാ​യു​ള്ള ആ​കാ​ശ ബ​ന്ധം അ​ട​ച്ച​തോ​ടെ ആ​യി​ര​ക്ക​ണ​ക്കി​ന് വി​ദേ​ശ മ​ല​യാ​ളി​ക​ളും നാ​ട്ടി​ൽ ക​ഴി​യു​ന്ന കു​ടും​ബ​ങ്ങ​ളും ആ​ശ​ങ്ക​യി​ലാ​യി. വി​വി​ധ ആ​വ​ശ്യ​ങ്ങ​ൾ മു​ന്നി​ൽ ക​ണ്ടും അ​വ​ധി​ക്കും നാ​ട്ടി​ലേ​ക്ക് വ​രാ​ൻ ത​യാറെ​ടു​ത്ത​വ​രു​ടെ യാ​ത്ര മു​ട​ങ്ങിയിരിക്കുകയാണ്. ഇ​ന്ന​ലെ​യും ഇ​ന്നും തു​ട​ർ ദി​വ​സ​ങ്ങ​ളി​ലു​മാ​യി ഖ​ത്ത​ർ വ​ഴി നാ​ട്ടി​ലേ​ക്ക് മ​ട​ങ്ങാ​ൻ തീ​രു​മാ​നി​ച്ച മ​ല​ബാ​റി​ൽ നി​ന്നു​ള്ള​വ​രാ​ണ് യാ​ത്ര മു​ട​ങ്ങി ബു​ദ്ധി​മു​ട്ടി​ലാ​യ​ത്

കോ​ഴി​ക്കോ​ട്ടേ​ക്ക് സൗ​ദി​യി​ലെ ജി​ദ്ദ​യി​ൽ നി​ന്ന​ട​ക്കം നേ​രി​ട്ട് സ​ർ​വ്വീ​സി​ല്ലാ​ത്ത​തി​നാ​ൽ ഖ​ത്ത​ർ വ​ഴി​യാ​ണി​പ്പോ​ൾ യാ​ത്ര​യെ​ല്ലാം. കോ​ഴി​ക്കോ​ട്ട് നി​ന്ന് ദ​മാം, റി​യാ​ദ് ഒ​ഴി​കെ​യു​ള്ള ഗ​ൾ​ഫ് യാ​ത്ര​യും ഇ​ങ്ങി​നെ​ത്ത​ന്നെ. വി​വി​ധ ആ​വ​ശ്യ​ങ്ങ​ൾ​ക്കാ​യി ഇ​ന്നും നാ​ളെ​യു​മാ​യി സൗ​ദി​യി​ൽ നി​ന്നു​ള്ള ബ​ന്ധു​ക്ക​ളു​ടെ വ​ര​വ് കാ​ത്തി​രു​ന്ന​വ​ർ നി​രാ​ശ​രാ​യി. ടി​ക്ക​റ്റ് മാ​റ്റി​യെ​ടു​ത്തു​ള്ള യാ​ത്ര സാ​ധാ​ര​ണ​ക്കാ​രെ സം​ബ​ന്ധി​ച്ചേ​ട​ത്തോ​ളം അ​ത്ര എ​ളു​പ്പ​മ​ല്ല.

പെ​രു​ന്നാ​ളി​ലേ​ക്ക് നാ​ട്ടി​ൽ വ​രാ​ൻ ടി​ക്ക​റ്റെ​ടു​ത്ത് കാ​ത്തി​രി​ക്കു​ന്ന​വ​രും അ​വ​രെ പ്ര​തീ​ക്ഷി​ച്ചി​രി​ക്കു​ന്ന കു​ടും​ബ​ങ്ങ​ളും ആ​ശ​ങ്ക​യി​ലാ​ണ്. ട്രാ​വ​ൽ ഏ​ജ​ൻ​സി​ക​ളി​ൽ ഇ​വ​രു​ടെ ഫോ​ൺ വി​ളി​ക​ൾ തു​ട​രു​ക​യാ​ണെ​ന്ന് ബ​ന്ധ​പ്പെ​ട്ട​വ​ർ പ​റ​ഞ്ഞു. എ​ന്ത് ചെ​യ്യ​ണ​മെ​ന്ന​റി​യാ​ത്ത അ​വ​സ്ഥ​യി​ലാ​ണെ​ല്ലാ​വ​രും. ഇ​തി​നി​ടെ ഖ​ത്ത​റി​ൽ ക​ഴി​യു​ന്ന​വ​രെ​യോ​ർ​ത്ത് അ​വ​രു​ടെ കു​ടും​ബ​ങ്ങ​ളും ആ​ശങ്കയി​ലാ​ണ്. കോ​ഴി​ക്കോ​ട് ജി​ല്ല​യി​ൽനി​ന്ന് ഒ​ട്ടേ​റെ പേ​ർ ഖ​ത്ത​റി​ൽ ജോ​ലി​യെ​ടു​ക്കുന്നു​ണ്ട്.