മുംബൈ: ഇന്ത്യൻ ക്രിക്കറ്റ് താരം ആർ.പി. സിംഗ് വിരമിക്കൽ പ്രഖ്യാപിച്ചു. ക്രിക്കറ്റിന്‍റെ എല്ലാ ഫോർമാറ്റിൽനിന്നും വിരമിക്കുന്നതായി പേസ് ബൗളർ ഇന്നലെ അറിയിച്ചു. 2005 സെപ്റ്റംബർ നാലിനാണ് ആർ.പി. സിംഗ് ഇന്ത്യക്കായി ഏകദിന അരങ്ങേറ്റം നടത്തിയത്.
2011 സെപ്റ്റംബർ 16ന് ഇംഗ്ലതണ്ടിനെതിരേയായിരുന്നു അവസാന ഏകദിനം. 58 ഏകദിനത്തിൽനിന്നായി 69 വിക്കറ്റ് വീഴ്ത്തി.2006 ജനുവരിയിൽ പാക്കിസ്ഥാനെതിരേയാണ് ടെസ്റ്റ് അരങ്ങേറ്റം. 2011 ഓഗസ്റ്റിൽ ഇംഗ്ലണ്ടിനെതിരേയാണ് അവസാന മത്സരം. 14 ടെസ്റ്റിൽനിന്ന് 40 വിക്കറ്റുകൾ സ്വന്തമാക്കി. 10 ട്വന്‍റി-20യിൽനിന്ന് 15 വിക്കറ്റും നേടി.
