മ​നഃ​സാ​ന്നി​ധ്യം കൈ​വിട്ടില്ല! രാധാമണിയമ്മ​യു​ടെ ധീ​ര​ത​യ്ക്ക് പോ​ലീ​സി​ന്‍റെ ബി​ഗ് സ​ല്യൂ​ട്ട്; സംഭവത്തെക്കുച്ച് പറയുന്നത് ഇങ്ങനെ…

പ​ത്ത​നം​തി​ട്ട: റോ​ഡി​ലൂ​ടെ ന​ട​ന്നു​പോ​ക​വേ ആ​ക്ര​മി​ച്ച് മാ​ല ക​വ​രാ​ൻ ശ്ര​മി​ച്ച മോ​ഷ്ടാ​വി​നെ ചെ​റു​ക്കാ​ൻ ധൈ​ര്യം​കാ​ട്ടി​യ വ​യോ​ധി​ക​യ്ക്ക് പോ​ലീ​സി​ന്‍റെ ആ​ദ​രം.

തെ​ള്ളി​യൂ​ർ അ​നി​ത​നി​വാ​സി​ൽ രാ​ധാ​മ​ണി​യ​മ്മ (70)യെ​യാ​ണ് ജി​ല്ലാ പോ​ലീ​സ് ആ​ദ​രി​ച്ച​ത്. ജി​ല്ലാ പോ​ലീ​സ് അ​ഡീ​ഷ​ണ​ൽ എ​സ്പി ആ​ർ. രാ​ജ​ൻ, ഇ​വ​രു​ടെ തെ​ള്ളി​യൂ​രി​ലു​ള്ള വീ​ട്ടി​ലെ​ത്തി ഇ​ന്ന​ലെ വൈ​കു​ന്നേ​രം ജി​ല്ലാ​പോ​ലീ​സ് മേ​ധാ​വി​യു​ടെ അ​നു​മോ​ദ​ന പ​ത്രം കൈ​മാ​റി.

ഏ​ഴു​മ​റ്റൂ​ർ പ​ഞ്ചാ​യ​ത്ത് ഓ​ഫീ​സി​നു സ​മീ​പം ക​ഴി​ഞ്ഞ 31 നാ​ണ് സം​ഭ​വം. റോ​ഡി​ലൂ​ടെ ന​ട​ന്നു​പോ​യ രാ​ധാ​മ​ണി​യ​മ്മ​യെ എ​തി​രെ ബൈ​ക്കി​ലെ​ത്തി​യ മോ​ഷ്ടാ​വ് ക​ഴു​ത്തി​ൽ ക​ട​ന്നു​പി​ടി​ച്ചു.

അ​പ്ര​തീ​ക്ഷി​ത​മാ​യ ആ​ക്ര​മ​ണ​ത്തി​ൽ പ​ക​ച്ചു​പോ​യ അ​വ​ർ, മ​നഃ​സാ​ന്നി​ധ്യം കൈ​വി​ടാ​തെ മോ​ഷ്ടാ​വി​ന്‍റെ കൈ​യി​ൽ മു​റു​കെ പി​ടി​ച്ചു നി​ർ​ത്തു​ക​യും മാ​ല പ​റി​ച്ചു ക​ട​ന്നു​ക​ള​യാ​നു​ള്ള ശ്ര​മം പ​രാ​ജ​യ​പ്പെ​ടു​ത്തു​ക​യു​മാ​യി​രു​ന്നു.

ബൈ​ക്കി​ൽ നി​ന്നും താ​ഴെ വീ​ണ മോ​ഷ്ടാ​വ് വാ​ഹ​നം ഉ​പേ​ക്ഷി​ച്ചു ക​ട​ന്നു​ക​ള​ഞ്ഞെ​ങ്കി​ലും മ​ണി​ക്കൂ​റു​ക​ൾ​ക്കു​ള്ളി​ൽ പി​ടി​കൂ​ടാ​നാ​യി. ‌

നി​ര​വ​ധി മോ​ഷ​ണ​ക്കേ​സു​ക​ളി​ൽ പ്ര​തി​യാ​യി​രു​ന്ന ബി​നു തോ​മ​സാ​ണ് കോ​യി​പ്രം പോ​ലീ​സി​ന്‍റെ പി​ടി​യി​ലാ​യ​ത്. വാ​ഹ​ന​ങ്ങ​ൾ മോ​ഷ്ടി​ക്കു​ന്ന​തും ഹ​ര​മാ​ണ് ഇ​യാ​ൾ​ക്ക്.

കോ​വി​ഡ് കാ​ര​ണം എ​ല്ലാം കൊ​ണ്ടും പ്ര​തി​സ​ന്ധി​യി​ലാ​യ കാ​ല​ത്തും സ​ഹാ​യി​ക്കാ​ൻ ആ​രു​മി​ല്ലാ​ത്ത ചു​റ്റു​പാ​ടി​ലും മ​നഃ​സാ​ന്നി​ധ്യം കൈ​വി​ടാ​തെ​യും ക​ള്ള​ന്‍റെ പി​ടി വി​ടു​വി​ക്കാ​തെ​യും കീ​ഴ​ട​ക്കാ​ൻ കാ​ട്ടി​യ ആ​ത്മ​ധൈ​ര്യം സ​മൂ​ഹ​ത്തി​ന് മു​ഴു​വ​നും വി​ശി​ഷ്യാ സ്ത്രീ​സ​മൂ​ഹ​ത്തി​ന് ആ​വേ​ശ​വും പ്ര​ചോ​ദ​ന​വും പ​ക​ർ​ന്നു​ന​ൽ​കു​ന്ന​താ​ണെ​ന്ന ജി​ല്ലാ പോ​ലീ​സ് മേ​ധാ​വി​യു​ടെ സ​ന്ദേ​ശ​മ​ട​ങ്ങി​യ അ​നു​മോ​ദ​ന​പ്പ​ത്ര​മാ​ണ് അ​ഡീ​ഷ​ണ​ൽ എ​സ്പി സ​മ്മാ​നി​ച്ച​ത്.

മോ​ഷ്ടാ​വി​ന്‍റെ ആ​ക്ര​മ​ണ​ത്തി​ന്‍റെ ആ​ഘാ​ത​ത്തി​ൽ നി​ന്നും ഇ​തു​വ​രെ പൂ​ർ​ണ​മാ​യും മു​ക്ത​മാ​യി​ട്ടി​ല്ലാ​ത്ത രാ​ധാ​മ​ണി​യ​മ്മ പോ​ലീ​സി​ന്‍റെ ആദരവിൽ ഏ​റെ അ​ഭി​മാ​നത്തിലുമാണ്.