ആറ്റിങ്ങലിൽ‌ റേഡിയോ ജോ​ക്കി​യും നാ​ട​ൻ​പാ​ട്ട് ഗാ​യ​ക​നു​മാ​യ യു​വാ​വി​നെ ഓഫീസിൽ കയറി വെട്ടിക്കൊലപ്പെടുത്തി

തി​രു​വ​നന്തപു​രം: മ​ട​വൂ​രി​ൽ മു​ൻ റേ​ഡി​യോ ജോ​ക്കി​യും നാ​ട​ൻ​പാ​ട്ട് ഗാ​യ​ക​നു​മാ​യ യു​വാ​വി​നെ കാ​റി​ലെ​ത്തി​യ സം​ഘം വെ​ട്ടി​ക്കൊ​ന്നു. മ​ട​വൂ​ർ പ​ടി​ഞ്ഞാ​റ്റ് ഏ​ല ആ​ശാ​നി​വാ​സി​ൽ രാ​ജേ​ഷ് (35) നെ​യാ​ണ് ഇ​ന്ന് പു​ല​ർ​ച്ചെ ര​ണ്ട് മ​ണി​യോ​ടെ കാ​റി​ലെ​ത്തി​യ സം​ഘം വെ​ട്ടി​ക്കൊ​ല​പ്പെ​ടു​ത്തി​യ​ത്.

മ​ട​വൂ​ർ ജം​ഗ്ഷ​ന് സ​മീ​പ​ത്തെ രാ​ജേ​ഷി​ന്‍റെ നാ​ട​ൻ​പാ​ട്ട് സം​ഘ​ത്തി​ന്‍റെ ഓ​ഫീ​സി​ന​ക​ത്ത് വ​ച്ചാ​യി​രു​ന്നു കൊ​ല​പാ​ത​കം. രാ​ജേ​ഷി​നൊ​പ്പ​മു​ണ്ടാ​യി​രു​ന്ന സു​ഹൃ​ത്ത് കു​ട്ട​നും വെ​ട്ടേ​റ്റു. ഇ​യാ​ളെ മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​ക്ര​മി സം​ഘ​ത്തി​ന്‍റെ വെ​ട്ടേ​റ്റ് കി​ട​ന്ന രാ​ജേ​ഷി​നെ നാ​ട്ടു​കാ​രും പോ​ലീ​സും ചേ​ർ​ന്ന് പാ​രി​പ്പ​ള്ളി മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

ഇ​ന്ന​ലെ രാ​ത്രി ക​ട​യ്ക്ക​ൽ മു​ക്ക​ന്നൂ​രി​ൽ പ്രോ​ഗ്രാം ക​ഴി​ഞ്ഞ ശേ​ഷം മ​ട​വൂ​രി​ലെ ഓ​ഫീ​സ് മു​റി​യി​ൽ വി​ശ്ര​മി​ക്ക​വെ​യാ​യി​രു​ന്നു ആ​ക്ര​മ​ണം. സ്വി​ഫ്ട് കാ​റി​ലെ​ത്തി​യ നാ​ലം​ഗ സം​ഘ​മാ​ണ് ആ​ക്ര​മ​ണം ന​ട​ത്തി​യ​തെ​ന്ന് പ​രി​ക്കേ​റ്റ കു​ട്ട​ൻ പോ​ലീ​സി​ൽ മൊ​ഴി ന​ൽ​കി. വി​വാ​ഹി​ത​നും ഒ​രു കു​ട്ടി​യു​ടെ പി​താ​വു​മാ​ണ് രാ​ജേ​ഷ്. ഭാ​ര്യ ര​ണ്ടാ​മ​ത് ഗ​ർ​ഭി​ണി​യാ​ണ്.

കൊ​ല​പാ​ത​ക​ത്തി​ന് പി​ന്നി​ൽ ക്വ​ട്ടേ​ഷ​ൻ സം​ഘ​മാ​ണെ​ന്നാ​ണ് പോ​ലീ​സി​ന്‍റെ നി​ഗ​മ​നം. രാ​ജേ​ഷ് റേ​ഡി​യോ ജോ​ക്കി​യാ​യും പ്രോ​ഗ്രാം അ​വ​താ​ര​ക​നാ​യും ഗാ​യ​ക​നാ​യും പ്ര​വ​ർ​ത്തി​ച്ച് വ​രി​ക​യാ​യി​രു​ന്നു . ഇ​ന്ന​ലെ ഉ​ച്ച​യ്ക്ക് ര​ണ്ട് യു​വാ​ക്ക​ൾ രാ​ജേ​ഷി​നെ അ​ന്വേ​ഷി​ച്ച് എ​ത്തി​യി​രു​ന്നു​വെ​ന്ന് നാ​ട്ടു​കാ​ർ പോ​ലീ​സി​നോ​ട് പ​റ​ഞ്ഞു. പ​ള്ളി​ക്ക​ൽ പോ​ലീ​സ് മേ​ൽ​ന​ട​പ​ടി സ്വീ​ക​രി​ച്ചു. മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന് ശേ​ഷം ഇ​ന്ന് ബ​ന്ധു​ക്ക​ൾ​ക്ക് വി​ട്ടു കൊ​ടു​ക്കും. രാജേഷ് നേ​ര​ത്തെ ഖ​ത്ത​റി​ൽ റേ​ഡി​യോ ജോ​ക്കി​യാ​യി ജോ​ലി നോ​ക്കി​യി​രു​ന്നു.