ഇന്ത്യയിൽ റഫാൽ വിവാദം കൊഴുക്കുന്പോൾ കിടക്കപ്പൊറിയില്ലാതെ ബുദ്ധിമുട്ടുകയാണ് ടെന്നീസ് താരം റാഫേൽ നദാൽ. റാഫേൽ നദാലിന് റഫാൽ യുദ്ധവിമാനകരാറുമായി എന്തു ബന്ധം എന്നായിരിക്കും ഇപ്പോൾ ആലോചിക്കുന്നത്. എന്നാൽ കക്ഷിക്ക് റഫാൽ കരാറുമായി യാതൊരു ബന്ധവുമില്ല. കക്ഷിയുടെ പേരാണ് പ്രശ്നങ്ങൾക്ക് കാരണമായിരിക്കുന്നത്.
പ്രധാനമന്ത്രി മോദിയെ വിവാദത്തിലാക്കിയ റഫാൽ വിവാദങ്ങൾക്കു പിന്നിൽ റാഫേൽ നദാലാണെന്നാണ് മോദി ഫാന്‍സിന്റെ വിചാരം. ഇതോടെ അവർ സകല കരുത്തും ആർജിച്ച് നദാലിനെതിരെ യുദ്ധം പ്രഖ്യാപിച്ചിരിക്കുകായാണ്. നദാലിന്‍റെ ഫേയ്സ്ബുക്ക് പേജിൽ ഇടിച്ചുകയറി അധിക്ഷേപ വർഷം നടത്തി മേയുകായണ് മലയാളികളായ മോദി ഫാന്‍സ്‌.
ഇതൊക്കെ കണ്ടു കണ്ണ് മഞ്ഞളിച്ചിരിക്കുകയാണ് ടെന്നീസ് താരം റഫേല്‍ നദാല്‍. ഓരോ സെക്കന്റിലും ആയിരക്കണക്കിന് കമന്റുകളാണ് പേജില്‍ വന്നു കൊണ്ടിരിക്കുന്നത്. മിക്കതും മലയാളത്തിലും..
