“ബ​ഹു​മാ​നി​ച്ചി​ല്ല, നോ​ട്ടം ശ​രി​യ​ല്ല…’ ക​ണ്ണൂ​ർ കൊ​ള​വ​ല്ലൂ​ർ സ്കൂ​ളി​ൽ റാ​ഗിം​ഗ്; ജൂ​ണി​യ​ർ വി​ദ്യാ​ർ​ഥി​യെ ച​വി​ട്ടി​വീ​ഴ്ത്തി, ഇ​ട​തു​കൈ​യു​ടെ എ​ല്ല് ത​ക​ർ​ന്നു; 5 സീ​നി​യ​ർ വി​ദ്യാ​ർ​ഥി​ക​ൾ​ക്കെ​തി​രേ കേ​സ്

ത​ല​ശേ​രി: പാ​നൂ​ർ പാ​റാ​ട് പി.​ആ​ർ. മെ​മ്മോ​റി​യ​ൽ കൊ​ള​വ​ല്ലൂ​ർ ഹ​യ​ർ​സെ​ക്ക​ൻ​ഡ​റി സ്കൂ​ളി​ൽ റാഗിംഗിന്‍റെ പേരിൽ സീ​നി​യ​ർ വി​ദ്യാ​ർ​ഥി​ക​ൾ പ്ല​സ് വ​ൺ വി​ദ്യാ​ർ​ഥി​യു​ടെ കൈ ​അ​ടി​ച്ചു ത​ക​ർ​ത്ത സം​ഭ​വ​ത്തി​ൽ കൊ​ള​വ​ല്ലൂ​ർ പോ​ലീ​സ് കേ​സ് ര​ജി​സ്റ്റ​ർ ചെ​യ്തു അ​ന്വേഷ​ണം ആ​രം​ഭി​ച്ചു. സീ​നി​യ​ർ വി​ദ്യാ​ർ​ഥി​ക​ളാ​യ അ​ഞ്ചു​പേ​രെ​യാ​ണ് പ്ര​തി ചേ​ർ​ത്തി​ട്ടു​ള്ള​ത്.

പ്ല​സ് വ​ൺ കൊ​മേ​ഴ്സ് വി​ദ്യാ​ർ​ഥി പാ​റാ​ട് ത​ളി​യ​ന്‍റ​വി​ട ആ​ദ​മി​ന്‍റെ മ​ക​ൻ മു​ഹ​മ്മ​ദ്‌ നി​ഹാ​ലി​നു(16) നേരേ ഇന്നലെ ഉച്ചയ്ക്ക് സ്കൂളിലെ കാന്‍റീനു സമീപം വച്ചായിരുന്നു ആക്രമണം. ഇ​ട​തു​കൈ​യു​ടെ എ​ല്ലു​ക​ൾ ത​ക​ർ​ന്ന നി​ല​യി​ൽ ത​ല​ശേ​രി സ​ഹ​ക​ര​ണ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ കുട്ടിയെ ഇ​ന്ന​ലെ രാ​ത്രി അ​ടി​യ​ന്തര ശ​സ്ത്ര​ക്രി​യയ്​ക്ക് വി​ധേ​യ​മാ​ക്കി.

പ​രീ​ക്ഷ ക​ഴി​ഞ്ഞ് അ​ധ്യാ​പ​ക​ന്‍റെ സെ​ന്‍റ് ഓ​ഫ് പ​രി​പാ​ടി​യി​ൽ പ​ങ്കെ​ടു​ത്ത് ഭ​ക്ഷ​ണം ക​ഴി​ച്ച് വെ​ള്ളം കു​ടി​ക്കാ​ൻ കാ​ന്‍റീ​നി​ലേ​ക്ക് പോ​ക​വെ​യാ​ണ് നി​ഹാ​ൽ അ​ക്ര​മ​ത്തി​നി​ര​യാ​യ​ത്. നി​ഹാ​ലി​നെ ത​ട​ഞ്ഞു നി​ർ​ത്തി​യ സം​ഘം ‘നീ​യെ​ന്താ​ടാ ഞ​ങ്ങ​ളെ ബ​ഹു​മാ​നി​ക്കാ​ത്ത​ത്. നി​ന്‍റെ നോ​ട്ടം ശ​രി​യ​ല്ല​ല്ലോ​ടാ’ എ​ന്നി​ങ്ങ​നെ പ​റ​ഞ്ഞു കൊ​ണ്ടാ​ണ് ആ​ക്ര​മി​ച്ച​തെ​ന്നും ഇ​തി​നു മു​മ്പും ഈ ​സം​ഘം നി​ഹാ​ലി​നെ ഉ​പ​ദ്ര​വി​ച്ചി​ട്ടു​ണ്ടെ​ന്നും ര​ക്ഷി​താ​ക്ക​ൾ പ​റ​യു​ന്നു.

കോ​ട്ട​യം മെ​ഡി​ക്ക​ൽ കോ​ള​ജി​നു കീ​ഴി​ലു​ള്ള ഗ​വ​ൺ​മെ​ന്‍റ് ന​ഴ്സിം​ഗ് കോ​ള​ജ് ഹോ​സ്റ്റ​ലി​ൽ റാ​ഗിം​ഗി​ന്‍റെ പേ​രി​ൽ ന​ട​ന്ന​കൊ​ടും​ക്രൂ​ര​തക​ളു​ടെ വിവരങ്ങൾ പു​റ​ത്തുവരുന്നതിനിടെയാണു കൊ​ള​വ​ല്ലൂ​ർ ഹ​യ​ർ​സെ​ക്ക​ൻ​ഡ​റി സ്കൂ​ളി​ൽ റാഗിംഗ് അക്രമം നടന്നത്.

‘മ​ക​നോ​ട് പെ​രു​മാ​റി​യ​ത് ഗു​ണ്ട​ക​ളെപോ​ലെ’
ത​ന്‍റെ മ​ക​നോ​ട് ഗു​ണ്ട​ക​ളെ പോ​ലെ​യാ​ണ് അ​ഞ്ചം​ഗ വി​ദ്യാ​ർ​ഥി സം​ഘം പെ​രു​മാ​റി​യ​തെ​ന്നു നി​ഹാ​ലി​ന്‍റെ അച്ഛന്‍ ആദം രാ​ഷ്‌​ട്ര​ദീ​പി​ക​യോ​ട് പ​റ​ഞ്ഞു. ത​ല​യ്ക്കും ക​ഴു​ത്തി​നും ക്രൂ​ര​മാ​യി മ​ർ​ദിച്ച ശേ​ഷം ച​വി​ട്ടി വീ​ഴ്ത്തി. ഷൂ കൊ​ണ്ട് ച​വി​ട്ടി കൈ ​ഒ​ടി​ച്ചു. എ​ല്ലു​ക​ൾ ഒ​ടി​ഞ്ഞ് പു​റ​ത്തേ​ക്കു വ​ന്നു.

സ്ഥ​ല​ത്തു​ണ്ടാ​യ പി​ടി​എ അം​ഗ​ങ്ങ​ൾ കു​ട്ടി​യെ ആ​ശു​പ​ത്രി​യി​ൽ കൊ​ണ്ടുപോ​കാ​ൻ ത​യാ​റാ​യി​ല്ല. അ​ടി​ച്ച കു​ട്ടി​ക​ളു​ടെ പേ​ര് പ​റ​ഞ്ഞാ​ലെ മ​ക​നെ ആ​ശു​പ​ത്രി​യി​ൽ കൊ​ണ്ടു പോ​കൂ എ​ന്നാ​യി​രു​ന്നു അ​വ​രു​ടെ നി​ല​പാ​ട്. ഒ​ടു​വി​ൽ പ്ല​സ് വ​ൺ വി​ദ്യാ​ർ​ഥി​ക​ളാ​ണ് ഓ​ട്ടോ​റി​ക്ഷ​യി​ൽ നി​ഹാ​ലി​നെ പാ​നൂ​ർ ആ​ശു​പ​ത്രി​യി​ലെ​ത്തി​ച്ച​തെ​ന്ന് ആ​ദം പ​റ​ഞ്ഞു.

പ​രി​ക്ക് ഗു​രു​ത​ര​മാ​യ​തുകൊ​ണ്ടാ​ണ് ത​ല​ശേ​രി​യി​ലേ​ക്ക് കൊ​ണ്ടു വ​ന്ന​ത്. എ​ക്സ​റേ പ​രി​ശോ​ധി​ച്ച എ​ല്ല് രോ​ഗ വി​ദ​ഗ്ധ​ൻ ഇ​ത് ഗു​ണ്ടാ അ​ക്ര​മ​ണ​മാ​ണോ എ​ന്നാ​ണ് ചോ​ദി​ച്ച​ത്. രാ​ത്രി പ​ത്ത​ര​യ്ക്കാ​ണ് മ​ക​നെ അ​ടി​യ​ന്തര ശ​സ്ത്ര​ക്രി​യ​ക്ക് വി​ധേ​യ​മാ​ക്കി​യ​തെ​ന്നും ആ​ദം പ​റ​ഞ്ഞു.